19 aqpanda Astanada qazaq tarihyndaǧy 125 tūlǧa jaily syr şertetın «Qazaqstan Ūlttyq panteony» atty tarihi-tanymdyq kıtaptyŋ tanystyrylymy öttı, dep habarlaidy “Adyrna” ūlttyq portaly Qazaqstan-ǧa sıltep.
Joba «QazMūnaiGaz» Ūlttyq kompaniiasy aksionerlık qoǧamynyŋ bastamasymen jüzege asqan. Kıtap byltyr atap ötılgen qazaq mūnaiynyŋ 125 jyldyǧyna orai şyǧaryldy.
QR Parlamentı Senatynyŋ deputaty Darhan Qydyrälı būl eŋbektıŋ atauyna erekşe män berılgenın aitty.
“Būl kıtapqa «panteon» degen atau berudıŋ bır sebebı – mūnda baqilyq bolǧan tūlǧalar qamtylǧan. Sonymen qatar, būl eŋbektı oqu arqyly tarihymyzdy tereŋırek tanyp, taǧylym alamyz. Sondyqtan, būl simvolikalyq mänı zor atau”, - dedı ol öz sözınde.
Kıtapta tarihi tūlǧalardyŋ ömırbaiany, eŋbekterı jäne olardyŋ qoǧamǧa qosqan ülesı naqty derektermen baiandalǧan. Basylym qazaq jäne orys tılderınde 2 000 danamen jaryq kördı. Kıtap syi retınde taratylyp, joǧary oqu oryndarynyŋ kıtaphanalaryna tegın berılmek.
Ardager Zeinolla Alşynbaev:
“Arystan bab, Qoja Ahmet Iаsaui, Beket ata, Äl-Farabi, Abai, Ybyrai Altynsarin syndy qazaqtyŋ dara tūlǧalarynyŋ ömır jolyn bır jinaqqa toptastyru – qūndy ärı qajet joba. Olardyŋ eŋbekterı men taǧylymyn keler ūrpaqqa jetkızu öte maŋyzdy”, - dep sūhbat berdı.
Joba jetekşılerınıŋ aituynşa, «Qazaqstan Ūlttyq panteony» kıtaby tarihi tūlǧalardyŋ ömırı men qyzmetın tanystyryp qana qoimai, olardyŋ önegesı men ösietın därıpteudı közdeidı.
Ūqsas jaŋalyqtar
