Aqtaýda 18 jastaǵy aqyl-esi kemistigi bar jigitti zorlady degen kúdikti áli de anyqtalmaǵan. Jábirlenýshiniń anasy qylmystyq istiń baıaý tergelip jatqanyn aıtyp, kináli azamattyń bostandyqta júrgenine narazy. Ol Ishki ister mınıstrliginen isti erekshe baqylaýǵa alýdy talap etýde, dep habarlaıdy "Adyrna" ulttyq portaly.
Informbıýro jańalyqtar qyzmetiniń aqparatynsha, belgisiz er adam ony kósheden kóligine otyrǵyzyp alyp ketip, teńiz jaǵasyna aparyp, zorlaǵan. Keıin dalaǵa tastap, qashyp ketken. Oqıǵa 27 jeltoqsanda bolǵan.
Jábirlenýshiniń anasy Orazgúl Qonysova tártip saqshylarynyń áreketine kóńili tolmaıtynyn jetkizdi. Onyń aıtýynsha, tergeý bastalǵanyna bir aıdan assa da, kúdiktiniń jeke basy anyqtalmaǵan.
Mańǵystaý oblystyq polıııa departamentiniń málimetinshe, Qylmystyq kodekstiń 121-baby ("Seksýaldyq sıpattaǵy zorlyq-zombylyq áreketteri") boıynsha tergeý júrgizilýde. Qajetti saraptamalar taǵaıyndalyp, beınebaqylaý kameralaryndaǵy jazbalar zerttelip jatyr. Polıııa qylmystyq istiń departament basshylyǵynyń baqylaýynda ekenin málimdedi. Qazirgi ýaqytta kúdiktini anyqtaý jáne ustaý sharalary jalǵasyp jatyr.
Al advokat Ajar Ábdil Aqtaýda bala kezinen múgedektigi bar 18 jastaǵy jigittiń isinde kóptegen túsiniksiz jaıttar bar ekenin habarlady. Qorǵaýshy quqyq qorǵaý organdary bul oqıǵaǵa qatysty túsinikteme berip, jan-jaqty tergeý júrgizedi dep úmittenetinin aıtty.
"28 jeltoqsanǵa qaraǵan túni, shamamen 02:00-de, jábirlenýshiniń anasynyń aıtýynsha, ol polıııaǵa baryp, qylmys týraly aryz jazbaq bolǵan. Alaıda onyń aryzy qabyldanbaǵan. Ol ulymen birge úıine qaıtyp keledi. Keıin, shamamen 04:00-de, ony polıııa tergeýge alyp ketedi. Degenmen jábirlenýshiniń proktolog mamannan tekserýden ótýi tek 2025 jylǵy 2 qańtarda, ıaǵnı zorlyqtan bes kún ótkennen keıin ǵana júrgizilgen. Mundaı mańyzdy jaıttarǵa qalaısha osynshalyq nemquraıdy, jaýapsyz qaraýǵa bolady?
Men polıııa bul máselege túsinikteme berip, jan-jaqty tergeý júrgizedi dep shyn júrekten sengim keledi. Jábirlenýshiniń anasynda birde-bir proessýaldyq qujat joq. Biz bul istiń qalaı júrip jatqany týraly múldem beıhabarmyz. Polıııa departamenti barlyq saraptama taǵaıyndaldy dep túsinikteme berip jatyr, biraq jábirlenýshige qatysty sot-psıhologııalyq saraptama áli júrgizilgen joq. Bul standartty proedýra ǵoı. Kez kelgen kýrsant jeke tulǵaǵa qarsy qylmys jasalǵan jaǵdaıda sot-psıhologııalyq saraptama taǵaıyndaý mindetti ekenin jatqa biledi. Bul is boıynsha kóptegen túsiniksiz jaıttar bar", - deıdi Ajar Ábdil áleýmettik jelidegi paraqshasynda.
