Shymkent qalasynyń densaýlyq saqtaý basqarmasynyń basshysy B.Pozılov pen bilim basqarmasynyń basshysy J.Tájıevanyń qatysýymen aqparattyq-kommýnıııalyq ortalyǵynda balalarǵa salynatyn vakınaııa týraly brıfıng ótti.
Densaýlyq saqtaý basqarmasy basshysynyń aıtýynsha, elimizde koronavırýsqa qarsy salynyp jatqan vakınanyń barlyǵy 18 jastan asqandarǵa arnalǵan.
«Balalarǵa vakına salynady eken degen qaýeset halyqty úreılendirip jatyr. Vakınanyń balalarǵa salynatynyn rastaıtyn eshqandaı resmı qujat joq. Sondyqtan mundaı ańyz aqparatty taratýdy doǵarý kerek. Onyń barlyǵy halyqty alańdatý maqsatynda jasalyp jatyr dep oılaımyn. Al aǵymdaǵy jyldyń 15-qyrkúıeginen bastap elimizde tumaýǵa qarsy ekpe saldyrý jumystary bastaldy. Bul vakına turǵylyqty meken-jaıy boıynsha kelisim bergen jaǵdaıda qaýip qater tobyndaǵy azamattarǵa tegin salynady. Barlyq qala turǵyndaryn «oqýshylarǵa kovıdke qarsy vakına salynady» degen qańqý sózderge senbeýge shaqyramyn»,-dedi B.Pozılov.
Qalanyń bas dárigeri Shymkentte epıdemııalogııalyq jaǵdaıdyń turaqtalǵandyǵyn atap ótti. Búginde 1134 azamat staıonarda em qabyldaýda. Tósek-oryn tolymdylyǵy 45% quraıdy, 1366 tósek orny bos. Al qala boıynsha búginde I komponentpen 443 287 adamǵa, II komponentpen 375 000 adamǵa vakınaııalaý jasaldy.
Óz kezinde bilim basqarmasynyń basshysy J.Tajıeva kez-kelgen vakına ata-ananyń ruqsatynsyz salynbaıtynyn jáne taralyp jatqan aqparattardyń jalǵan ekenin aıtty.
Búgingi tańda qaladaǵy 203 mektepte 233 myńnan asa oqýshy oqıdy. Barlyq bilim berý mekemelerinde sanıtarlyq talap qatań saqtalǵan.
"Adyrna" ulttyq portaly
