Ult saýlyǵy – el baılyǵy. «Nur Otan» partııasy Shymkent qalalyq fılıaly janyndaǵy Ult densaýlyǵy máseleleri jónindegi keńestiń kezekti otyrysy ótti.
Jıynda densaýlyq saqtaý men sport salalarynda atqarylyp jatqan jumystar men pandemııaǵa baılanysty densaýlyq saqtaý salasyndaǵy oryn alǵan ózekti problemalar talqylandy.
Aldaǵy ýaqytta shaharymyzdaǵy densaýlyq saqtaý nysandaryna tekseris kúsheıedi. Osy maqsatta «Nur Otan» partııasynyń Shymkent qalalyq fılıaly janynan «Ult densaýlyǵy máseleleri» jóninde Qoǵamdyq keńesi quryldy.
Arnaıy top praımerız jeńimpazdary, partııalyq kadrlyq rezerv ókilderi, qalalyq máslıhat depýtattary , dárigerler, azamattyq qoǵam ókili, buqaralyq aqparat ókilderi, ıaǵnı jalpy sany 9 adamnan quralǵan.
Partııa janyndaǵy Ult densaýlyǵy máseleleri jónindegi keńestiń tóraǵasy Esenbek Serkebaevtyń aıtýynsha, arnaıy qurylǵan top osy ýaqytqa deıin densaýlyq saqtaý salasyndaǵy birneshe kemshilikterdi anyqtaǵan.
Atap aıtqanda, olar №1 qalalyq emhanasy, «Ana men bala» ońaltý ortalyǵy, №2 qalalyq aýrýhanasy men qalalyq perzenthana ortalyqtarynda oryn alyp otyr.
Sonymen qatar, kóshpeli otyrysta qalamyzdaǵy ábden tozyǵy jetip, kúrdeli jóndeýden ótip jatqan medıınalyq mekemeler týraly da aıtyldy. Shymkent qalasynyń Densaýlyq saqtaý basqarmasy basshysy Baqytjan Pozılov, Epıdemııalyq jaǵdaıǵa baılanysty joǵaryda aıtylǵan qurylys jumystarynyń keıinge shegerilip, belgilengen merzimnen taǵy birshama ýaqytqa sozylatyndyǵyn jetkizdi.
Jıyn sońynda Shymkent qalasy Dene shynyqtyrý jáne sport basqarmasy basshysynyń orynbasary Ermek Dármenov sóz aldy. Paıdalanýǵa berý 2022 jylǵa josparlanǵan «Metallýrg» stadıony týraly aqpar bergen ol, qazirgi tańda jumystar belgilengen kestege sáıkes 70 %-ǵa oryndalǵanyn aıtty.
Sondaı-aq, jınalǵandar halyq densaýlyǵyn jaqsartý máselesine qatysty ózderin alańdatqan saýaldaryn ortaǵa salyp, tıisti mamandardan jaýap aldy.
Aıta keteıik, aǵymdaǵy jyldyń shilde aıynda qoǵamdyq keńestiń usynysy boıynsha respýblıkada alǵash bolyp Shymkenttegi ekpe egý beketterine beınebaqylaý kameralary ornatylǵan.
Aınur Bekasanova
