Strasbýrgtegi Eýropanyń Adam quqyqtary jónindegi soty Máskeýde quldyqta bolǵan Qazaqstan jáne Ózbekstan azamattarynyń shaǵymdaryn qaraıdy. Bul jóninde sottyń resmı saıty habarlady, dep málimdeıdi "Adyrna" ulttyq portaly.
Sot bes jábirlenýshiniń eki shaǵymyn biriktirgen. Birinshi shaǵym Qazaqstan azamattary Fatıma jáne Álııa Musabaeva men Ózbekstan azamattary Gúljanar Nazanova jáne Bakııa Qasymovadan 2016 jyly túsken. Ekinshi shaǵym 2018 jyly Qazaqstan azamaty Nesibeli Ibragımovadan joldanǵan.
Áıelderdiń sotta quqyǵyn "Memorıal" quqyq qorǵaý ortalyǵynyń zańgerleri qorǵaıdy. Olar "Grajdanskoe sodeıstvıe" komıtetimen baılanysta otyr. Sot Reseıge is boıynsha suraqtar jiberedi dedi komıtet ókilderi.
- Eýropanyń Adam quqyǵy jónindegi soty jaýapker Reseıge Adam quqyqtary jónindegi Eýropa konvenııasynyń buzylýyna baılanysty suraqtar joldaıdy. Jaýapkerdiń shaǵym berýshi tarappen beıbit kelisim jasaýǵa quqyǵy bar. Áıtpese is qarala bastaıdy, - dedi zańger Ivan Novıkov.
Mıgranttardy quldyqta ustaǵan azyq-túlik dúkender jelisi Máskeýdiń Golıanovo aýdanyndaǵy Ýralskaıa, Parkovaıa jáne Novosıbırskaıa kóshelerinde ornalasqan. Dúkenderge erli-zaıyptylar men olardyń týystary ıelik etedi.
"Grajdanskoe sodeıstvıe" qorynyń aqparatyna qaraǵanda, kásipkerler áıelderdiń qujattaryn tartyp alyp, olardy eńbek mıgranty retinde tirkeýden bas tartqan. Eńbekaqysyn bermeı, dúken aýmaǵynan attap qadam basýǵa tyıym salǵan. Mıgranttar jertólelerde uıyqtaǵan.
- Dúken ıeleri men qyzmetkerleri Qazaqstan jáne Ózbekstan azamattaryn jyldar boıy aqysyz eńbekke jegip, zorlaǵan, uryp-soqqan. Quqyq qorǵaý organdarymen qýdalaımyz dep qoqan-loqy kórsetken, - dep jazdy komıtet ókilderi.
Komıtettiń aıtýynsha, polıeıler men tergeýshiler jábirlenýshilerdiń shaǵymyna baılanysty is qozǵaýdan bas tartqan.
"Adyrna" ulttyq portaly
