Atyrauda 81 mūǧalım jalǧan qūjatpen jūmys ıstegen. Būl turaly oblystyŋ sybailas jemqorlyqqa qarsy qyzmetınıŋ prevensiia basqarmasynyŋ basşysy Jänıbek Qarajanov aitty, dep habarlaidy «Adyrna» tılşısı.
Ol bılım beru salasynda sybailas jemqorlyqtyŋ jiı bolatynyn atap öttı.
«Bılım salasyndaǧy sybailas jemqorlyq täuekelderıne syrtqy taldau jürgızu kezınde köptegen kemşılık anyqtalyp otyr. Mäselen, mektepterde «ölı jandar» bar. Qyzmetkerler men oquşylar sany bırdei mektepter ärtürlı qarjylandyrylǧan. Bır qyzmetker bır mezgılde 4-5 mekemede jūmys ıstegen. Keibır bılım beru mekemesınde basşylar özderıne lauazymdyq jalaqysyna üstemeaqy audaryp otyrǧan. Monitoring nätijesınde mektepke deiıngı bılım beru mekemelerınde 51, orta mektepterde 30 qyzmetkerdıŋ jalǧan diplomdy paidalanǧany anyqtaldy», - dedı ol.Basşy būl faktılerdı joiu üşın oblystyq bılım basqarmasyna Departament äzırlegen 26 ūsynys joldanǧanyn mälımdedı.
«Qyzmetkerlerdıŋ kontingentı boiynşa derekterdı avtomatty türde salystyru üşın integrasiiany qamtamasyz etu qajet. Jergılıktı atqaruşy organ deŋgeiınde biudjettık ötınımderdı qalyptastyru, bekıtu prosesterın avtomattandyrǧan jön. Bılım beru mekemelerıne kıru, şyǧu uaqytyn formatty-logistikalyq baqylaudy belgıleu mümkındıgımen qyzmetkerlerınıŋ qatysuyn baqylau sekıldı ūsynystar bar», - dedı Jänıbek Qarajanov.
Ūqsas jaŋalyqtar
