18 jylǧa sottalyp, 15 jyldan keiın bostandyqqa şyqqan dissident Aron Atabek özınıŋ densaulyǧy turaly aitty. Būl turaly “Adyrna” ūlttyq portaly Azattyqqa sılteme jasai otyryp habarlaidy.
Aqyn, dissidenttıŋ aituynşa ony türmeden polisiia qyzmetkerlerı aldap alyp şyqqan.
– Bostandyqqa qalai şyqtym? Būl mistika siiaqty bastalyp, mentterdıŋ menı jymysqy aldauymen aiaqtaldy, – dedı ol.Aron Atabek Pavlodar türmesınde jalǧyz kısılık kamerada otyryp, qūlap qalǧan sätı turaly da aityp berdı.
– 21 qyrküiek keşke jatar aldynda kütpegen jerden qūladym. Eŋkeiıp edım, basym ainalyp, qūlap qaldym. Būl bırınşı qūlauym emes, oǧan deiın de bes-alty ret qūlaǧam. Bıraq ol kezde basymdy jarmap edım, būl joly baiqamai qalyp, basymdy jaryp aldym. Qan aqty. Jerde jatyrmyn, tūra almaimyn. Kezekşı kelıp, Aron tūr deidı. Türme qyzmetkerlerı menı körıp tūr. Mentterde monitor bar. Bıraq kelgen joq. Jarty saǧattan soŋ türme qyzmetkerı men därıger keldı. Olar menı köterıp, otyrǧyzdy. Därıger qarap, «basyŋ jarylyp, qan köp aǧypty, qazır tıgemız, eger tıkpesek miyŋ syrtqa şyǧyp ketedı, sondyqtan auruhanaǧa baru kerek» dedı. Men auruhanaǧa jatuǧa tübegeilı qarsymyn. Sebebı onda menı öltırıp tastauy mümkın. Bıraq būl joly basym jarylǧan soŋ baruǧa tura keldı, – dedı Aron Atabek.Söz soŋynda özın «qazaq samuraiymyn» dep ataǧan Aron Atabek densaulyǧy qalypqa kelgennen keiın oppozisiialyq saiasatty jalǧastyratynyn aitty.
– Bırte-bırte jaqsaryp kele jatyrmyn. Japon samurailarynda «Samurai paryzy – soŋyna deiın adal şaiqasu» degen söz bar. Men de qazaq samuraiymyn. Soŋyna deiın küresu – paryzym. Densaulyǧymdy tüzep alǧan soŋ oppozisiialyq saiasatty jalǧastyramyn, – dedı ol.
”Adyrna” ūlttyq portaly
Ūqsas jaŋalyqtar
