Abai oblysynyŋ medisinalyq ūiymdary biylǧy qyrküiek aiyna deiın 100 jaŋa sanitarlyq avtokölıktermen qamtamasyz etıledı. Bügın oblys äkımı Berık Uäli Semei qalasyndaǧy oblystyq jedel medisinalyq järdem stansiiasyna sol tehnikalardyŋ alǧaşqy legın – 10 sanitarlyq avtokölıktıŋ kıltın saltanatty türde tabystady.
Būl nysan qazırgı taŋda sanitarlyq avtokölıktermen tolyq qamtamasyz etılgen. Alaida tehnikalardyŋ jalpy tozu deŋgeiı 90 paiyzdan asady. Osy mäselenı şeşu üşın byltyr «Abai oblysy medisinalyq ūiymdary üşın sanitarlyq avtokölık satyp alu» jobasy şeŋberınde «Önerkäsıptı damytu qory» AQ-men bırlesıp, oblystyq biudjet qarajaty esebınen lizingtık qarjylandyru arqyly Hyundai, JAC jäne «Gazel» markaly 100 sanitarlyq avtokölıkter satyp alyndy. Onyŋ ışınde 67 avtokölık oblystyq jedel medisinalyq järdem stansiiasyna, 33 avtokölık audandaǧy medisinalyq ūiymdarǧa berıledı. Barlyq avtokölıkter GPS-navigasiiamen jäne halyqqa medisinalyq kömek körsetuge qajettı medisinalyq jabdyqtarmen tolyq jabdyqtalǧan.
Saltanatty şara barysynda qūttyqtau söz söilegen aimaq basşysy densaulyq saqtau salasyn damytu öŋır üşın basym baǧyttardyŋ bırı ekenın atap ötıp, jaŋa avtokölıkter jedel medisinalyq kömektıŋ sapasy men tiımdılıgın arttyruǧa mümkındık beretının aitty.
«Memleket basşysy Qasym-Jomart Kemelūly Toqaev Qyzylordada ötken Ūlttyq qūryltaidyŋ besınşı otyrysynda söilegen sözınde «Memlekettıŋ bılım beru jäne densaulyq saqtau salasyna jūmsap jatqan qarjysy, eŋ aldymen, azamattarymyzdyŋ tūrmys sapasyn arttyruǧa arnalatynyn jäne Ädılettı Qazaqstandy qūru strategiiasymen ūştasyp jatqanyn tüsıngen abzal» dep atap ötken bolatyn. Bügın halyq igılıgıne berılgen jedel järdem kölıkterı osy baǧyttaǧy öŋırlık jūmystyŋ bır parasy. Mūndai jaŋa kölıkter oblysymyzǧa 2020 jyly alynǧan eken. Iаǧni, bes jarym jyldan berı osy salaǧa jaŋa kölıkter alynbaǧan. Bügıngı oqiǧa Abai oblysynyŋ densaulyq saqtau jüiesı üşın erekşe maŋyzǧa ie. Sanitarlyq avtokölıktıŋ jaŋa avtomobilderın jedel medisinalyq järdem qyzmetıne tabystau – halyqqa körsetıletın şūǧyl medisinalyq kömektıŋ qoljetımdılıgı men deŋgeiın arttyruǧa mümkındık berıp, öŋır tūrǧyndarynyŋ ömır sapasyn jaqsartuǧa ülken üles qosary sözsız», - dedı oblys äkımı.
Oblystyq jedel medisinalyq järdem stansiiasynda 872 adam eŋbek etedı. Mekeme oblysymyzdyŋ 620 myŋnan astam tūrǧynyna kün saiyn qyzmet körsetıp keledı. Olar jylyna 250 myŋnan astam şaqyrtuǧa şyǧady.
Öŋırdıŋ densaulyq saqtau salasynyŋ infraqūrylymyn damytu maqsatynda jüielı jūmys jürgızılude. Ötken jyly alǧaşqy medisinalyq-sanitariialyq kömek körsetetın 60-tan astam jaŋa nysan salyndy. Maqanşy auylynda kündızgı stasionary, zerthanasy jäne äielder konsultasiiasy bar därıgerlık ambulatoriia aşyldy. Aiagöz audanynyŋ köpsalaly ortalyq audandyq auruhanasynyŋ 10 tösektık reanimasiialyq bölımşesınıŋ qosymşa qūrylysy aiaqtaldy. Osy medisinalyq mekemede magnittık-rezonanstyq tomografty ornalastyru üşın qosymşa ǧimarattyŋ jäne Ürjar audanynyŋ köpsalaly ortalyq audandyq auruhanasy bazasynda «Terı arqyly koronarlyq aralasu ortalyǧy» ǧimaratynyŋ qosymşa qūrylysy bastaldy. Ükımettıŋ qoldauymen salynatyn 300 oryndyq oblystyq köpbeiındı auruhana men 200 oryndyq oblystyq köpbeiındı balalar auruhanasynyŋ jobalyq smetalyq qūjattamalary jasalyp jatyr. Jalpy 2025 jyly oblystyŋ densaulyq saqtau salasynyŋ materialdyq-tehnikalyq bazasyn jaŋǧyrtuǧa 6 jarym milliard teŋgeden astam qarjy bölındı.
