Jaŋa ūlttyq ekonomika ministrı Älıbek Quantyrov qazaqstandyqtardyŋ AQŞ-taǧy şottaryn anyqtauǧa uäde berdı. Būl turaly ministr Mäjılıs otyrysynda mälımdedı, - dep habarlaidy ”Adyrna” ūlttyq portaly "Astana" telearnasyna sılteme jasai otyryp.
Ministr Halyqaralyq salyq tärtıbın jetıldıru turaly kelısımge qol jetkızuge ümıttenedı. Qūjat aiasynda halyq pen barlyq qarjy ūiymy AQŞ-taǧy şottar turaly esep beruge mındetteledı. Aqparat beruden bas tartqan jaǧdaida olardyŋ bank audarymdarynan 30 paiyzǧa deiın ūstap qalady.
Qazaqstan osy Kelısımge jaqyn arada qosylady. Deputattar būl ideiany maqūldady.
"Kelısımge qosylǧan qarjy instituttary Qazaqstanda şot aşqan barlyq amerikalyq jeke jäne zaŋdy tūlǧa turaly aqparatty anyqtauǧa jäne äşkereleuge mındetteledı. Qazaqstannyŋ kelısımge qosyluy AQŞ-ta şot aşqan barlyq qazaqstandyq jeke jäne zaŋdy tūlǧa turaly aqparat aluǧa mümkındık beredı", - dep mälımdedı Quantyrov.
“Adyrna” ūlttyq portaly
Ūqsas jaŋalyqtar
