Qasıetti Úsh júzdiń basyn qosqan - Ulytaý. «Uly» sóziniń maǵynasy túrki tilinde «Jaratýshy», «Qudaı», «Táńir» degen uǵymdardy bildiredi.
Bizdiń ata-babalarymyz úshin Ulytaý taýlary batys Saryarqanyń eń bıik núktesi ǵana emes, sonymen qatar, onyń kindigi barsha jaratylys ataýly óz bastaýyn alatyn tamyry, «dúnıeniń ózegi»retinde tanylady.
Sanaǵa sińgen senim boıynsha onyń shyńy kók zeńgirge bárinen de jaqyn, dál sol arada Aspan men Jer qaýyshady. Sondyqtan da taý tym erte kezderden kıeli oryn. Qudaılar men rýhtardyń mekeni, qasıetti kúshter turaqty túrde áreket etetin jer, yrym-joralar oryndalatyn, adamnyń tabıǵatpen tym názik baılanysyn qamtamasyz etetin bıiktik sanaldy. Onyń adam men tabıǵattyń ózara baılanysyn ornyqtyratyn qudireti búgingi kúnge deıin saqtalǵan.
Ulytaýǵa Álemdik Taý retinde taǵzym etý erte zamandardan bastaý alady. Ǵalym, tarıh ǵylymynyń doktory, professor V.Zaıberttiń aıtýy boıynsha bul jerde qola dáýirine tán jerleý oryndary (qorymdar) bar.
Qazaqtyń ǵalymy Qanysh Sátbaevtyń "Menin otanym-Qazaqstan" kitabynda Ulytaýdyń eń bıik núktesi-Áýlıetaý (1134) dep atap jazady.
Áýlıetaý eteginde shıpaly bulaq bar, shıpaly sýymen Gúlsara ana em jasaǵan, sýmen ishki qurylys, asqazan, búırek, búırek tastaryn alǵan. Sonymen qatar emdik shóppen de emdegen. Olar: moıyl,ıt muryn, dolana, qaraqat shópteri.
1997 jyly jergilikti halyqtyń qoldaýymen B.Aıashev Áýlıetaýdaǵy jeti áýlıege belgi tastar ornatyldy.
2000 -2001 jyldary shıpaly bulaq basyna belgi tas, sharbaq ornatyldy.
2007-2008 jyldary Áýlıe taýǵa barar jalǵyzaıaq jol jasalyp, áýlıelerdiń dene topyraqtary tastarmen qorshaldy.
2010 jyly «Ulytaý» ulttyq tarıhı-mádenı jáne tabıǵı qoryq- murajaıy, arnaıy qurylǵan «Uly taǵzym» qoǵamdyq qory, «Ulytaý-El» JShS-men birigip, «Ulytaý-El» dástúrli mádenıt ortalyq qurý usynyldy.
Ortalyqtyń negizgi baǵyty –Ulytaý dúnıe júzindegi álemdik taǵzym taýlarmen qatar paıda bolǵanyn aıqyndap, týrızm klasterin damytýda basty rol atqarýy, qazaqstandyqtardyń patrıottyq sezimin týǵyzý.
Ulytaý- tabıǵı-kıeli landshafttarǵa taǵzym etý úshin arnaıy sapar shegý úlgisi sonaý qola dáýirinen bastaý alatyn, tamyry tereńge tartqan,qudaıdyń nuryna bólengen taý.
Elbasymyz N. Nazarbaev atap kórsetkendeı, Ulytaý-qasıetti meken bolyp baǵalanady. Keleshekte týrızm ortalyǵy bolyp, halqymyz táý etetin qasterli jer bolyp qalady.
Ulytaýdy kózdiń qarashyǵyndaı saqtaý, onyń mártebesin kóterý óz qolymyzda.
“Rýhanı jańǵyrý” baǵdarlamasy aıasynda
Qaraǵandy oblystyq mádenıet, muraǵat
jáne qujattama basqarmasy men “Adyrna”
ulttyq portalynyń birlesken jobasy
