Äleumettık jelıde Şymkent qalasynda moped jürgızuşısı men polisei arasynda bolǧan oqiǧa qyzu talqylanuda, dep habarlaidy “Adyrna” ūlttyq portaly.
Kadrlardan poliseilerdıŋ bırı moped jürgızuşısın toqtatpaq bolǧanymen, jürgızuşı oqiǧa ornynan qaşyp ülgergenı baiqalady. Osy sätte tärtıp saqşysy onyŋ soŋynan tas laqtyrady. Jelı qoldanuşylary oqiǧaǧa türlı pıkır bıldırıp jatyr: bırı mopedşını qoldasa, endı bırı poliseidıŋ äreketın tüsınıstıkpen qabyldaǧan.
“Qaru ornyna tas qoldandy”, “Aiyppūl salǧysy kelgen, bıraq qaşyp kettı”, “Men jetpesem, tas jetedı”, – dep jazdy jelı qoldanuşylary.
Şymkent qalalyq PD atalǧan jaǧdaidyŋ ötken aptada oryn alǧanyn rastady.
“Moped jürgızuşısı jol qozǧalysy erejelerın būzyp, poliseidıŋ zaŋdy talabyna baǧynbaǧan. Onyŋ būl äreketı jol qozǧalysy qauıpsızdıgıne qauıp töndırdı. Jürgızuşı ūstalyp, jauapkerşılıkke tartyldy”, – delıngen resmi mälımdemede.
Sondai-aq vedomstvo poliseidıŋ tas laqtyru äreketıne qatysty qyzmettık tekserıs bastalǧanyn habarlady.
“Poliseidıŋ äreketı ışkı tärtıp normalaryna säikes kelmegendıkten, oǧan qatysty qyzmettık tekserıs jürgızılude. Tekserıs nätijesınde qūqyqtyq baǧa berıledı”, – dep tolyqtyrdy PD baspasöz qyzmetı.
Ūqsas jaŋalyqtar
