Būl alqaly jiyn Täuelsızdıgımızdıŋ 30 jyldyq mereilı belesıne orai ötkızılude. Altyn Ordanyŋ tarihy qazırgı Qazaq memlekettıgınıŋ jylnamasymen tyǧyz bailanysty. Äigılı Joşy han kesenesı men Saraişyq qalasynyŋ Qazaqstan aumaǧynda ornalasuy jäne şetel mūraǧattarynan köptegen jazba derekterdıŋ tabyluy – osynyŋ aiqyn dälelı.
Şyn mänınde, Altyn Ordanyŋ tarihy älı de tereŋ zertteudı qajet etedı. Türlı sebepterge bailanysty töl şejıremızdıŋ osy bırneşe ǧasyrlyq kezeŋı nazardan tys qaldy. Elımız egemendıgın alǧannan keiın ǧana būl olqylyqtyŋ ornyn toltyruǧa jol aşyldy.
Elbasynyŋ bastamasymen qolǧa alynǧan auqymdy baǧdarlamalar jūrtymyzdyŋ tarihi sanasyn jaŋǧyrtuǧa zor üles qosty.
Sanmyŋ jyldyq şejıremızdegı sabaqtastyq jalǧasyn tauyp, ūlttyq ruhymyz biıktei tüstı.
Bız Altyn Orda däuırınen jetken qūndy jädıgerlerdı dünie jüzıne tanytyp, ony turizm salasyn damytu üşın tiımdı paidalanuymyz kerek. Jaiyq jaǧasyndaǧy jäne Ūlytau bauraiyndaǧy köne eskertkışter men zamanaui keşender būǧan tolyq mümkındık beredı.
Tarihyn tügendep, odan taǧylym ala bılgen eldıŋ tamyry berık bolady. Altyn Orda köptegen bauyrlas elderdıŋ taǧdyrynda da airyqşa ız qaldyrǧan. Sondyqtan, halyqaralyq ǧylymi qauymdastyqtyŋ aldynda ortaq şejıremızdı bırlese zertteu mındetı tūr.
Bügıngı basqosuda ǧalymdarymyz tyŋ derekter men salmaqty oi-pıkırlerın ortaǧa salady dep senemın.
Konferensiia jūmysyna tabys tıleimın!”,- dedı Toqaev resmi saitta jariialanǧan jazbada.
”Adyrna” ūlttyq portaly
