AQŞ prezidentı Donald Tramp Qazaqstannyŋ Täuelsızdıgınıŋ 35 jyldyǧyna orai Memleket basşysy Qasym-Jomart Toqaevqa qūttyqtau hat joldady, dep habarlaidy “Adyrna”.
Qūttyqtau hatynda AQŞ prezidentı Qazaqstan halqyn aituly merekemen qūttyqtap, eldıŋ täuelsızdık jyldarynda saqtap, damytqan mädenietı men tarihi mūrasyna joǧary baǧa bergen.
«Milliondaǧan qazaqstandyq Astanada jäne eldıŋ tükpır-tükpırınde 1991 jyly respublika Täuelsızdıgı jariialanǧannan berı közdıŋ qaraşyǧyndai saqtap, eselei tüsken bai mädenietın, tarihi mūrasyn jäne qaitalanbas kelbetın erekşe maqtanyşpen paş etedı», – delıngen hatta.
Donald Tramp sondai-aq Qazaqstan men AQŞ arasyndaǧy keŋeitılgen strategiialyq serıktestıktıŋ maŋyzyn atap öttı. Onyŋ aituynşa, ekı el arasyndaǧy berık bailanystardy odan ärı nyǧaituǧa niettı. "Memleketterımız arasyndaǧy Keŋeitılgen strategiialyq serıktestıktı joǧary baǧalaimyn jäne men prezidenttık lauazymdy atqarǧan ekı merzımde qalyptasqan berık bailanysty odan ärı nyǧaitamyz dep senemın",- delıngen qūttyqtauda.
«Memleketterımız arasyndaǧy Keŋeitılgen strategiialyq serıktestıktı joǧary baǧalaimyn jäne men prezidenttık lauazymdy atqarǧan ekı merzımde qalyptasqan berık bailanysty odan ärı nyǧaitamyz dep senemın», – dedı AQŞ prezidentı.
Qūttyqtauynda Tramp Qazaqstan Prezidentınıŋ köşbasşylyq qasietterıne de toqtalyp, Qasym-Jomart Toqaevty «tegeurındı ärı batyl köşbasşy» dep atady.
«Qazaqstan halqynyŋ baǧyna orai, Sız siiaqty tegeurındı ärı batyl köşbasşysy bar. Osy quanyşty sättı sızdermen bölısu – men üşın zor märtebe», - delıngen qūttyqtau hatynda.
Qazaqstan 1991 jylǧy 16 jeltoqsanda täuelsızdıgın jariialaǧan. Biyl el Täuelsızdıgıne 35 jyl tolyp otyr.
