Memleket basşysy Qasym-Jomart Toqaev «Qazaq tılı» qoǧamynyŋ prezidentı, Ūlttyq qūryltaidyŋ müşesı Rauan Kenjehanūlyn qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Kezdesu barysynda memlekettık tıldı nyǧaitu ısındegı özektı mäseleler talqylandy.
Prezident qazaq tılın odan ärı damytu mäselesı ärqaşan memlekettık saiasattyŋ maŋyzdy baǧyty bolyp qala beretının aitty. Qasym-Jomart Toqaevtyŋ pıkırınşe, eŋ aldymen, qazaq tılınıŋ qoldanys aiasyn arttyruǧa baǧyttalǧan praktikalyq jūmystarǧa basymdyq bergen jön. Onyŋ ışınde bılım beru ısındegı, tehnologiiadaǧy jäne media salasyndaǧy qazaqşa kontent pen sifrlyq önımderdı äzırleuge airyqşa män beru qajet.
Sondai-aq Prezident balalarǧa arnalǧan animasiialyq tuyndylar şyǧarudyŋ, köpşılıkke arnalǧan kino önımderı men ǧylymi-tanymdyq ädebietter qoryn molaitudyŋ, äleumettık jelılerde aǧartuşylyq baǧyttaǧy arnalar aşudyŋ maŋyzdylyǧyna nazar audardy. Oǧan qosa ǧalamdyq sifrlyq platformalardy qazaqşalap, tıl üirenuge mümkındık beretın otandyq aqparattyq jüielerdı köbeitu qajettıgın atap körsettı.
Odan bölek, ärtürlı äleumettık toptardyŋ, onyŋ ışınde jastardyŋ arasynda tıl tazalyǧyn saqtau üşın oqu jäne jazu sauattylyǧyn arttyruǧa arnalǧan şaralardyŋ qajettılıgıne erekşe toqtaldy.
Prezident «Qazaq tılı» qoǧamyn memlekettık tıldı ǧylym men tehnika tılıne ainaldyru baǧytynda jūmys jürgızuge şaqyrdy. Sondai-aq älemdık täjıribede mädeni, gumanitarlyq sipattaǧy ūiymdar endaument qorlar arqyly jūmys ısteitının atap ötıp, Qoǧam qyzmetın odan ärı jandandyru üşın osy täjıribenı engızudı ūsyndy jäne oǧan öz atynan üles qosatynyn mälımdedı.
Öz kezegınde «Qazaq tılı» qoǧamynyŋ prezidentı Rauan Kenjehanūly qordyŋ bastamasymen jüzege asyrylǧan jobalar men aldaǧy jospary jaiynda mälımet berdı.
Ūqsas jaŋalyqtar
