Qaraǧandyda auyl mektepterınıŋ 700-den astam daryndy oquşysy öz bılımderı men qabıletterın körsetu üşın bas qosty. Mūnda 9–11 (12) synyp oquşylary arasynda respublikalyq pändık olimpiadanyŋ III (oblystyq) kezeŋı bastaldy.
Būl bılım saiysy öŋırde üşınşı jyl qatarynan ötkızılıp keledı. Olimpiada bes künge sozylyp, qaladaǧy tört mekteptıŋ bazasynda 13 jalpy bılım beru pänı boiynşa ötude.
Baiqaudy Qaraǧandy oblysynyŋ bılım basqarmasy men «Saryarqa daryny»balalarǧa qosymşa bılım berudıŋ öŋırlık ǧylymi-praktikalyq ortalyǧy ūiymdastyrdy.
— Olimpiadaǧa tek auyldyq märtebesı bar mektepterdıŋ oquşylary qatysady. Būl balalarǧa öz deŋgeiles qūrdastarymen teŋ jaǧdaida baq synauǧa mümkındık beredı. Mūnda arnaiy liseiler men gimnaziialar qatyspaidy, sondyqtan baǧalau prosesı barynşa ädıl ärı aşyq ötedı, — dedı ortalyq direktory Serıkjan Damyshan. — Oblystyq kezeŋnıŋ jeŋımpazdary respublikalyq olimpiadaǧa tıkelei joldama alady. Al respublikalyq deŋgeidıŋ jüldegerlerı ūlttyq qūramanyŋ sapyna enıp, halyqaralyq bılım dodalarynda Qazaqstannyŋ atynan öner körsetu mümkındıgıne ie bolady.
Baiqaudyŋ basty maqsaty — auyldyq mektepterdıŋ talantty oquşylaryn anyqtap, olardyŋ bılımge degen qūştarlyǧyn qoldau jäne ärı qarai damuyna teŋ mümkındık jasau.
