Qazaqstan mektepterınde Qoja Ahmet Iаsauidıŋ ruhani mūrasyna arnalǧan «Iаsauitanu» pänı engızıldı. Būl turaly Jibek Joly telearnasy jariialady, dep habarlaidy “ Adyrna”..
Ükımet Iаsauidıŋ eŋbekterın zertteu men nasihattauǧa, sondai-aq Türkıstan qalasyn ruhani turizm ortalyǧy retınde damytuǧa baǧyttalǧan 37 ıs-şarany qamtityn arnaiy jospardy bekıttı.
Qazırgı taŋda būl qosymşa pän eldegı 36 oqu ornynda oqytylyp jatyr. Oquşylar Iаsauidıŋ ömır jolyn, onyŋ hikmetterın, filosofiialyq jäne adamgerşılık ideialaryn meŋgeredı.
Sonymen qatar, Qoja Ahmet Iаsaui kesenesı aumaǧynda ǧylymi-restavrasiialyq jūmystar jürgızu jäne jaŋa turistık baǧyttar aşu josparlanǧan.
Odan bölek, Iаsaui jylyn IýNESKO deŋgeiınde jariialau bastamasy qarastyrylyp jatyr. Būl onyŋ mūrasyn halyqaralyq deŋgeide nasihattauǧa mümkındık beredı dep kütılude.
Iаsauitanu ǧylymi ortalyǧynyŋ qyzmetkerı Bauyrjan Botaqaraevtıŋ aituynşa, kurs zaiyrly formatta oqytylady.
«Mektep – zaiyrly mekeme. Mūnda qandai da bır dınge artyqşylyq berılmeidı jäne belgılı bır közqarastar synǧa alynbaidy. Qoja Ahmet Iаsauidıŋ ılımı obektivtı türde oqytylady. Kurstyŋ negızıne qazaqtyŋ salt-dästürı, ar-ojdan bostandyǧy, abyroi, qadır-qasiet jäne adamgerşılık sekıldı qūndylyqtar engızılgen», – dedı ol.
