Tengenomika telegramm-arnasynyń avtory Ǵalymjan Aıtqazın Qazaqstandaǵy janar-jaǵarmaıdyń baǵasyn kórshi memlekettermen bir deńgeıge teńestirý arqyly eldegi janarmaı baǵasyna qysymdy tómendetýge bolady dep esepteıdi. Bul týraly ekonomıst óziniń telegram-arnasynda jazdy, dep habarlaıdy "Adyrna" ulttyq portaly.
Ǵalymjan Aıtqazınniń pikirinshe, kórshi eldermen aradaǵy otyn baǵasyndaǵy teńsizdik – JJM tapshylyǵynyń negizgi sebepteriniń biri.
- Bul máseleni sheshý joldarynyń biri Qazaqstanda janar-jaǵarmaı baǵasyn kórshi memlekettermen bir deńgeıge birtindep kóterý jáne teńestirý bolary anyq. Sondaı-aq Qazaqstannyń 2025 jyly EAEO biryńǵaı energııa naryǵyna kóshýi de qosymsha faktor bolýy múmkin, – dep atap ótti ekonomıst.
Ol otyn baǵasyn kezeń-kezeńimen kóterýdi akızderdi ulǵaıtý arqyly júzege asyrylatynyn atap ótti. Bul memleketke salyq túsimderin ulǵaıtyp, basqa salalarǵa jiberýge múmkindik beredi. Ótken jyldyń basynda Qazaqstan Úkimeti óndirýshilerdiń benzındi kóterme satý akızin tonnasyna 10,500 teńgeden 24,435 teńgege deıin kóterdi.
Sondaı-aq ekonomıst otyn baǵasyn júıeleý arqyly janar-jaǵarmaıdyń kórshi elderge jóneltýine núkte qoıylatynyn, sáıkesinshe janarmaı tapshylyǵyn túbeıgeıli joıylatynyn senimdi túrde jetkizdi.
- Osylaısha, ishki naryqtaǵy proınflıaııalyq faktordyń birtindep joıylýy orta merzimdi kezeńde Qazaqstandaǵy janarmaı baǵalaryna qatysty jaǵdaıdy turaqtandyrýǵa múmkindik beredi, - dep túıindedi ol.
Aıta keteıik, budan buryn OilGazProject JShS-niń dırektory, ekonomıst Jaras Ahmetov Qazaqstanda benzın baǵasynyń ósetinin, biraq úkimettiń benzın baǵasyn 200-220 teńge shamasynda ustap turýǵa múmkindigi bar ekenin boljaǵan edi.
"Adyrna" ulttyq portaly
