ساراپشى جانارماي باعاسىن قالاي تۇراقتاندىرۋ كەرەگىن ايتتى

7550
Adyrna.kz Telegram

Tengenomika تەلەگرامم-ارناسىنىڭ اۆتورى عالىمجان ايتقازين قازاقستانداعى جانار-جاعارمايدىڭ باعاسىن كورشى مەملەكەتتەرمەن ءبىر دەڭگەيگە تەڭەستىرۋ ارقىلى ەلدەگى جانارماي باعاسىنا قىسىمدى تومەندەتۋگە بولادى دەپ ەسەپتەيدى. بۇل تۋرالى ەكونوميست ءوزىنىڭ تەلەگرام-ارناسىندا جازدى، دەپ حابارلايدى "ادىرنا" ۇلتتىق پورتالى.

عالىمجان ايتقازيننىڭ پىكىرىنشە، كورشى ەلدەرمەن اراداعى وتىن باعاسىنداعى تەڭسىزدىك – ججم تاپشىلىعىنىڭ نەگىزگى سەبەپتەرىنىڭ ءبىرى.

- بۇل ماسەلەنى شەشۋ جولدارىنىڭ ءبىرى قازاقستاندا جانار-جاعارماي باعاسىن كورشى مەملەكەتتەرمەن ءبىر دەڭگەيگە بىرتىندەپ كوتەرۋ جانە تەڭەستىرۋ بولارى انىق. سونداي-اق قازاقستاننىڭ 2025 جىلى ەاەو بىرىڭعاي ەنەرگيا نارىعىنا كوشۋى دە قوسىمشا فاكتور بولۋى مۇمكىن، – دەپ اتاپ ءوتتى ەكونوميست.

ول وتىن باعاسىن كەزەڭ-كەزەڭىمەن كوتەرۋدى اكتسيزدەردى ۇلعايتۋ ارقىلى جۇزەگە اسىرىلاتىنىن اتاپ ءوتتى. بۇل مەملەكەتكە سالىق تۇسىمدەرىن ۇلعايتىپ، باسقا سالالارعا جىبەرۋگە مۇمكىندىك بەرەدى. وتكەن جىلدىڭ باسىندا قازاقستان ۇكىمەتى وندىرۋشىلەردىڭ بەنزيندى كوتەرمە ساتۋ اكتسيزىن تونناسىنا 10,500 تەڭگەدەن 24,435 تەڭگەگە دەيىن كوتەردى.

سونداي-اق ەكونوميست وتىن باعاسىن جۇيەلەۋ ارقىلى جانار-جاعارمايدىڭ كورشى ەلدەرگە جونەلتۋىنە نۇكتە قويىلاتىنىن، سايكەسىنشە جانارماي تاپشىلىعىن تۇبەيگەيلى جويىلاتىنىن سەنىمدى تۇردە جەتكىزدى.

- وسىلايشا، ىشكى نارىقتاعى پروينفلياتسيالىق فاكتوردىڭ بىرتىندەپ جويىلۋى ورتا مەرزىمدى كەزەڭدە قازاقستانداعى جانارماي باعالارىنا قاتىستى جاعدايدى تۇراقتاندىرۋعا مۇمكىندىك بەرەدى، - دەپ تۇيىندەدى ول.

 

ايتا كەتەيىك، بۇدان بۇرىن OilGazProject جشس-ءنىڭ ديرەكتورى، ەكونوميست جاراس احمەتوۆ قازاقستاندا بەنزين باعاسىنىڭ وسەتىنىن، بىراق ۇكىمەتتىڭ بەنزين باعاسىن 200-220 تەڭگە شاماسىندا ۇستاپ تۇرۋعا مۇمكىندىگى بار ەكەنىن بولجاعان ەدى.

"ادىرنا" ۇلتتىق پورتالى

پىكىرلەر