Birneshe kúnnen beri Túrkııaǵa baryp bıznes bastaǵysy kelgen qazaq qyzdarynyń qazirgi jan-aıqaıy jelini shýlatqan edi. Belgili bloger Uldana Erqasymqyzy men kásipker Dınara Qosjan ózderiniń oflaın oqýlaryna ár adamnan 700 myń teńge alyp Túrkııaǵa shaqyrǵan. Qoǵam belsendisi, zańger Aıgúl Orynbekke kómek surap shyqqan qyz-kelinshekterdiń isi áli de qaralyp jatyr. Dınara Qosjan óz ústinen shaǵym aıtqandardy "qorqytyp jatyr" degen sybys taraýda. Bul týraly zańger Aıgúl Orynbek óz paraqshasynda jazdy, dep habarlaıdy "Adyrna" ulttyq portaly.
Dınara Qosjan óz ústine aryz jazyp shaǵymdanǵandardy "5-6 aı Stambýlda qamatamyn" dep qorqytqan.
“Aıgúl apa bizdi 5-6 aı Stambýlda qamatyp qaldyramyn, myqty advokat jaldapty biz qorqyp jatyrmyz” dep jazyp jatqan Stambýlda júrgen qyzdar!
Adam óltirgen qylmysker de ózin qorǵap qalý úshin advokat jaldaıdy.Búkil álemniń advokatyn jaldap qorǵansa da, eger sizder kóp bolyp, shyndyq sender jaqta bolsa, jazany advokat emes SOT shyǵarady!Halyqty aldamaǵan, arty taza adam ár túrli vıdeo salyp aqtalyp, qorqytyp, úrkitpeı birden Sotqa barady.Óz is áreketterinde zańsyzdyqtary bar adam ǵana osylaı qoqan loqyǵa kóshedi!",- dedi jazbasynda Aıgúl Orynbek.
Eger kinásiz bolsa, bylaı aqtalmas edi, qoqań loqyǵa jol bermes edi degen zańger bul istiń artynda bir shıkilik turǵanyn jasyrmady.
"Sol sebepti qyzdar sizder ózderińe senimdi bolyp, aryzdanýshylar qatary kóbeıgen saıyn, ol adamnyń qylmystyq jaýapkershiligi ulǵaıa túsedi!Búkil qoqan loqy, shantaj jasaǵan aýdıo jazbalaryn saqtap qoıyńyzdar! Jasaǵan qylmysynyń ústine qylmys qosylyp jatyr.
Advokat jaldaǵan adam qoqan loqydan buryn aldaǵy ýaqytta osyndaı zańsyzdyqtar jasamaý kerek ekenin bilý kerek!
Advokat jaldaý sýretin salyp qoıyp elderdi qorqytyp úrkitý emes, advokattyń paıdaly keńesterin tyńdaý bolyp tabylady!
Biraq slıshkom aqyldy mıllıonerler, advokatty da tyńdamaýy múmkin!",- dedi.
Túrkııaǵa mıllıoner bolamyz dep ketken qyzdardyń birazy osyndaı shaǵymmen elge habarlasqan. Bastaryna qaýip-qater tónip turǵandaryn aıtyp álek. Tipti, turaqtaıtyn jeri bolmaı, aeroportta túnegenderi de bar.
"Adyrna" ulttyq portaly
