Túrkııanyń Izmır aımaǵyndaǵy bir úıdiń balalary órtten qaza tapty, dep habarlaıdy "Adyrna" ulttyq portaly.
Qaıǵyly oqıǵa Selchýk aýdanynda bolǵan. Jergilikti BAQ málimetinshe, úıdegi elektr peshinen aqaý shyqqan. Saldarynan órt laýlap, úıde qaraýsyz qalǵan bir jastan bes jasqa deıingi balalar tútinge tunshyǵyp, kóz jumǵan.
5 balanyń anasy 27 áıel adam. Ol eski zattardy satý úshin bazarǵa ketkenin aıtqan. Al balalardyń ákesi birneshe jyl buryn urlyq jasaǵany úshin sottalyp ketken. Órtten qaza tapqan balalardyń anasy qamaýǵa alyndy.
«Ákeleri de, týysqandary árdaıym kómektesip otyratynbyz. Jaǵdaılary jaman emes edi. 15 kún buryn meniń inim baryp balalardyń eresekterin ınternatqa ótkiz, kishkentaılaryn men alaıyn depti. Biraq anasy ózim qaraımyn dep ruqsat bermepti», - deıdi balalardyń naǵashy aǵasy.
Qaıǵyly oqıǵa Túrkııa parlament depýtattary áleýmettik az qamtylǵan otbasylarǵa arnalǵan baǵdarlamany qaıta qaraý kerektigin usynyp, dabyl qaqty.
«Otbasy jónindegi mınıstrlik ókilderi balalardy arnaıy ınternatqa alaıyq dep bul úıge 18 ret barǵan eken. Alaıda anasy kelispegen. Memleketten járdemaqy da taǵaıyndalǵan. Bolashaqta osyndaı jaǵdaılar qaıtalanbas úshin az qamtylǵan otbasylarǵa qatysty baǵdarlamany qaıta qaraý kerek. Balalardy sot sheshimimen otbasynan alyp, memlekettik ınternatqa ornalastyrý máselesin ońtaılandyrý qajet», - deıdi «Aq partııa» frakııasynyń jetekshisi Ózlem Zengın.
Aıta keteıik, Qostanaı oblysy Jitiqara qalasynda jeke turǵyn úıde shyqqan órt saldarynan úı shatyry opyrylyp túsip, bes bala qaza tapty.
