Almatyda 28 jastaǧy Ramazan İsharov esımdı er adam bırneşe qyzdy “üilenemın” dep aldap, olardyŋ atynan ırı kölemde nesie räsımdetkenı üşın sotqa tartyldy, dep habarlaidy “Adyrna” ūlttyq portaly Stan.kz saityna sıltep.
Tergeu mälımetınşe, İsharov 2022 jyldan bastap özın polisiia qyzmetkerı retınde tanystyryp, qyzdardyŋ senımıne kırgen. Ol olarǧa üilenuge uäde berıp, türlı syltaularmen attaryna nesie räsımdetıp, keiın aqşamen bırge joǧalyp otyrǧan. Jalpy şyǧyn kölemı şamamen 80 million teŋgenı qūraǧan.
Zardap şekkender arasynda üş qyz jäne İsharovtyŋ būrynǧy dosy bar. Keibır jäbırlenuşıler üiınen aiyrylyp qala jazdasa, bıreuı küdıktınıŋ qolynan soqqy körgen.
Jäbırlenuşılerdıŋ bırı İsharovpen fotosalonda tanysqanyn aitty. Alǧaşqy kezdesuden-aq er adam qyzdyŋ tūrmys jaǧdaiyn, baspanasy men nesiesı bar-joǧyn sūraǧan. Bır aptadan soŋ ol qyzdy 700 myŋ teŋge nesie aluǧa köndırıp, keiın taǧy bırneşe bank pen mikroqarjy ūiymynan qaryz räsımdetken.
Qyzdyŋ atyndaǧy jalpy qaryz kölemı şamamen 12 million teŋgege jetken. İsharov aqşany “bizneske salamyn” dep sendırıp, qyzdyŋ atyna taksopark aşyp, jeke käsıpker retınde tırketken.
Būdan bölek, 2023 jyldyŋ qaraşasynda ol qyzdy päterın kepılge qoiuǧa da mäjbürlegen. Notarius pen üşınşı tūlǧalardyŋ qatysuymen 6,5 million teŋge qolma-qol alynǧan, keiın İsharov ızın suytqan. Qyz päterın tek küdıktınıŋ anasy aqşanyŋ bır bölıgın qaitarǧan soŋ saqtap qalǧan.
Jäbırlenuşınıŋ aituynşa, İsharov özıne aryz jazdyrmau üşın qorqytyp, “polisiiada ısteimın, eşkım maǧan eşteŋe ıstei almaidy” dep qysym körsetken. Qyz bırneşe ret aryzdanuǧa tyrysqanymen, tek 2024 jyldyŋ nauryz aiynda ǧana resmi türde ötınış qabyldanǧan.
“Qaryz ben qysymnan keiın depressiiaǧa tüsıp, öz-özıme qol jūmsamaq boldym”, – deidı ol.
Qazırgı uaqytta Ramazan İsharovqa Qylmystyq kodekstıŋ 190-babynyŋ 3-bölıgı, 1-tarmaǧy (ırı kölemde alaiaqtyq) jäne 109-1-babynyŋ 1-bölıgı (ūryp-soǧu) boiynşa aiyp taǧylǧan.
Sotta aiyptaluşy kınäsın moiyndap, şyǧyndy öteuge daiyn ekenın aitty. Ol tek kömekteskısı kelgenın, alǧan aqşanyŋ bır bölıgın qaitarǧanyn jäne öz kartasy būǧattalǧandyqtan qyzdyŋ kartasyn paidalanǧanyn mälımdedı.
Alaida sot tergeuı barysynda İsharovtyŋ eşqaşan polisiiada resmi türde qyzmet etpegenı anyqtaldy. Ol tek 2017 jyly Auezov audandyq polisiia bölımınde jarty jyldyq täjıribeden ötken.
Sot prosesı jalǧasuda.
