Okkýpaııadan bosatylǵan terrıtorııalardy mınadan tazartý úshin Ýkraına Ázerbaıjannan kómek surady, dep habarlaıdy "Adyrna" ulttyq portaly inbusiness.kz saıtyna siltep.
Soǵys saldarynan búginde Ýkraına terrıtorııasynyń tórtten biri – 25%-ynan astamy mınalarmen, snarıadtarmen jáne basqa da qaýipti, jarylǵysh zattarmen lastanǵan.
Osy oraıda damyǵan elder men ózge seriktesteri Kıevke mınadan tazartý sharalary úshin mol qarjy bólýde. Biraq sol qarajatty ıgerip, aýmaqtardy mınadan aryltýmen aınalysatyn kompanııalar, sondaı-aq jumys kúshi tapshy.
Sondyqtan terrıtorııalardy jarylǵysh zattardan adalaý máselesinde Ýkraına Ázerbaıjanmen yntymaqtastyqty tereńdetýge nıetti. Óıtkeni Baký 2023 jylǵy bir kúndik soǵys ishinde azat etken Taýly Qarabaq aýmaǵyn mınadan aryltýda zor ári álemde teńdesi az tájirıbe jınady. Onyń ústine osy salada mamandary da jeterlik.
Bul máseleni Joǵarǵy Rada tóraǵasynyń orynbasary Elena Kondratıýk qozǵady. Ol osy maqsatta Bakýge saparlap qaıtqanyn áńgimeledi.
Issapar basyrynda Ázerbaıjan respýblıkasynyń mınadan tazartý agenttigi tóraǵasynyń birinshi orynbasary Bahrýz Mammadovpen kezdesti. Júzdesý jabyq ótti jáne eki el qandaı ýaǵdalastyqqa kelgeni ázirge jarııa etilmedi.
"Ázerbaıjan atalǵan salada bilikti kadrlaryn daıarlap, mınadan tazartý boıynsha únemi trenıngter júrgizedi. Bul proeske áıelderdi tartý tájirıbesi de Ýkraına úshin mańyzdy. Buǵan qosa, osy elde mınadan tazartýǵa arnalǵan zamanaýı mashınalardyń otandyq óndirisi jolǵa qoıylǵan. Iaǵnı, bul iste Ázerbaıjan ózgelerge kóp táýeldi emes. Taıaýda jaıaý áskerge arnalǵan mınalardan aryltatyn tól mashınalarynyń birin Ázerbaıjan Ýkraınaǵa tabys etti. Búginde bul tehnıka Harkov óńirinde jumys istep jatyr", – dedi Elena Kondratıýk.
Ýkraınalyq saıasatker óz eliniń Ázerbaıjanǵa súısine qaraıtynyn jasyrmady.
"2022 jyldan 2024 jyl aralyǵynda Ázerbaıjanda 134 myń gektar jer mınadan tolyq tazartylǵan. 67 myńnan astam mına men jarylǵysh zattar zalalsyzdandyrylǵan. Ásirese, bul jumys Qarabaq óńiri tolyǵymen deokkýpaııalanǵannan keıin kúsheıtildi. Men Ázerbaıjan tarapyna ótinishpen júginip, bizge tankke qarsy mınalardy zalalsyzdandyratyn mashınany da berýdi ótindim. Ázerbaıjanmen mınadan tazartý boıynsha yntymaqtastyqty tereńdetýden óte úmittimiz!", – dedi Elena Kondratıýk.
Halyqaralyq sarapshylardyń baılamynsha, búginde Ýkraına – álemdegi eń kóp mınalanǵan memleket. Ýkraına terrıtorııasynyń 174 myń sharshy shaqyrymy qaýipti sanalady. Bul – 225 Sıngapýr syıyp ketetin ulanǵaıyr jer. Bul – Eýropanyń kez kelgen eliniń aýmaǵynan kóp terrıtorııa.
Jalpy aýqymy 5,6 mıllıon gektar jer jaý tarapynan mınalanǵan. Iaǵnı, aryltýdy qajet etedi.
Óz kezeginde Ázerbaıjan ólim sepken jaý mınalarynan ýkraınalyq jerdi tazalaý baǵytyndaǵy kómegin keńeıtýge daıarlyǵyn bildirgen. Kıev onyń óndirgen mınasyzdandyrý kólikterin satyp ala alady.
Bul turǵyda Ázerbaıjan bir jaǵynan izgilik is jasaı alsa, ekinshi jaǵynan, mınasyzdandyrý tehnıkasyn eksporttaýǵa múmkindigi týady.
