Shymkentte aldaǵy 4 jylda jylyjaı kólemi 150 gektarǵa deıin ulǵaıady. Ol úshin shaharda arnaıy agro ekonomıkalyqaımaq qurylyp jatyr. Ol jer 2025 jylǵa deıin kezeń-kezeńimen ıgeriledi. Qalalyq aýylsharýashylyǵy jáne veterınarııa basqarmasynyń baıandaýynsha tek keler jyldyń ózinde arnaıy aımaqta quny 8 mlrd teńgeden asatyn 8 joba júzege asady. Jalpy Shymkenttiń qazirgi jylyjaı qory qansha, agroaımaqtyń tıimdiligi qandaı?
Shymkenttegi jylyjaı keshenin damytý maqsatynda qurylyp jatqan arnaıy agroekonomıkalyq aımaǵy Mártóbe turǵyn alabynyń aýmaǵyna ornalastyrylýda. Qazir jer bólý jumystary aıaqtalǵan. 2 kásipker jyljaı salý isin bastap jibergen. Taǵy 4-5 ınvestor qarjy alý úshin qujattaryn rásimdep jatqan kórinedi. Eger maqsat oryndalsa, biraz is bir júıege túsedi. .
Ábýnasyr Janbatyrov – Shymkent qalasynyń aýyl sharýashylyǵy jáne veterınarııa basqarmasybasshysynyń orynbasary
Qolaılylyǵy tuqymmen qamtamasyz etýge, taýardy birden satýǵa mol múmkindik týady.
Agro ekonomıkalyq aımaq qurylsa qosymsha jumys oryndary ashylady. Óıtkeni, atalǵan aımaq mańynan syıymdylyǵy 5 myń tonnadan asatyn arnaıy qoıma salynady. Al jylyjaı isin júrgizýge negizinen jergilikti mamandardy tartý josparlanǵan. Óıtkeni, ol jumysty meńgergen jergilikti mamandar jeterlik. Sonyń biri Meıirbek Qalymbetov. Ol búginde qaladaǵy úlken jylyjaı kesheninde jumys isteıdi.
Meıirbek Qalymbetov - agranom
Gollandskıı kompanııanyń ýgama sortyn ár pomıdordyń salmaǵy 250 gramm bolady. Josparlarymyz ár kvdratynan 15 kılogramm ónim alý.
Aıtyp óteıik qazirgi tańda Shymqalada jalpy aýmaǵy 30 gektardan asatyn óndiristik jylyjaı bar. Sonyń 3 gektary «Záýre» sharýaqojalyǵyna tıesili. Onda shamamen 10 adam turaqty jumyspen qamtylǵan. Qazir qyzanaq egý úshin daıyndyq jumystary júrgizilýde.
Narıman Artyqbaev – «Záýre» ShQ ókili
Bizde ónim osy aqpan aıynda daıyn bolady. Qazir qurylys jumystary júrgizilip jatyr. Odan keıin obrabotka bolady. Sodan keıin egiledi.
Eger eske salsaq qalada agroaımaq salý isi aldyn qolǵa alynǵan bolatyn. Sol kezde áýejaı aýmaǵynan jer bólingen bolatyn. Biraq keıin ol mańnan salýǵa bolmaıtyny týraly sheshim shyǵyp jeri aýystyrylǵan bolatyn.
M. Jarylqasyn
