Eŋbekşı audanynda «Taza Qazaqstan» ekologiialyq aksiiasy aiasynda senbılık ūiymdastyryldy. Būl ıs-şara audan tūrǧyndarynyŋ ekologiialyq mädeniettın arttyruǧa, tazalyq pen tärtıptı saqtauǧa baǧyttaldy.
Senbılıkke audan tūrǧyndary, belsendı jastar jäne kommunaldyq mekemelerdıŋ qyzmetkerlerı qatysty. Audan aumaǧynda ötken tazalyq jūmystary barysynda aulalar men jol jiekterı, su arnalary men jasyl aimaqtar tazartylyp, aǧaştardy qyru jäne şöpterdı oru jūmystary jürgızıldı.
Qoǧamdyq tärtıp pen qorşaǧan ortany qorǧau maqsatynda jürgızılgen jūmystar nätijesınde barlyq qoqystar şyǧarylyp, «Gruppa İnteko» JŞS-nıŋ 10-ǧa juyq tehnikasy men arnaiy qūraldary jūmyldyryldy. Is-şaraǧa atalǧan serıktestık pen «Eŋbekşı» kommunaldyq mekemesınıŋ qyzmetkerlerı de atsalysty.
Jalpy, Şymkentte «Taza Qazaqstan» baǧdarlamasy aiasyndaǧy tazalyq ıs-şaralary tūraqty türde jalǧasyp keledı. Senbılıkter qalanyŋ barlyq audandarynda jappai ötkızılude. Ärbır ıs-şarada aumaqtar retke keltırılıp, qoqystar jinaluda, tūrǧyndardy tazalyqty saqtau men qorşaǧan ortaǧa ūqypty qarauǧa şaqyryp, jauapkerşılıgın arttyruǧa yqpal etude.
