Shashbaý qyzdyń abyroıyn shashpaý úshin taǵylady

3957

Qazaq halqynyń árbir yrymyna, tıymyna, salt-dástúrine baıyptap qarasańyz, kishkentaı ǵana dúnıeniń arǵy jaǵynda úlken maǵyna jatqanyn baıqaǵan bolarsyz?! Qazaqtyń ul-qyzdy tárbıeleýdegi danalyǵy men mádenıetine osy bir aıǵaqtar dálel bolyp tur. Kezinde názik jandynyń barlyǵy derlik qolań shashqa sán berip oıýlanǵan shashbaý, kúmistelgen sholpy taqqan. Al, qazirgi ýaqytta shashbaý turmaq, shashy uzyn qyzdy sırek kezdestiremiz.

Qazaq halqy turmysqa shyqpaǵan qyzyna mindetti túrde ataýly áshekeılerdi taqtyrdy. Bul áshekeıler sol zamanǵy qyz ataýlynyń sımvoly ispetti. Sonymen, shashtyń ádemiligin arttyrǵan bul buıymdardy taǵýdaǵy túpki maǵyna qandaı? Sholpy shashtyń ushyna, shashbaý burymnyń túbine ilinip shashpen birge óriledi. Osylaısha, shash salmaǵy aýyrlanyp, erte kúninen osy áshekeılerdi taqqan qyz arqasyn túzý ustap, sándi júre alady. Sonymen qatar, sholpy salmaǵynyń arqasynda shash ta uzyn bolyp ósip, aýyr salmaqtyń áserinen kúndelikti bas aýrýy degen túsinik bolmaǵan. Qońyraýly sholpy taǵý arqyly qyzdyń artyq oǵash qımyl jasamaýyna mán bergen. Áshekeıdiń syńǵyrlap daýysynyń estili bastaǵany, ıaǵnı úıge qyz bala kirip kele jatqany dep úlkender rettelip, jınaqtalyp otyrǵan. Shashbaýdyń dybysy jıi, qatty shyqsa ushqalaq, sýmań qylyqty qyz bolǵany, al aqyryn ǵana estilgen shashbaýly qyzdyń minezi óte sabyrly, bııazy, názik ekenin ańǵartqan.


massaget.kz

Pikirler
Redakııa tańdaýy