Oralda ákesi birneshe jyldan beri týǵan qyzyn zorlap kelgen. Ol ustalǵan kezde qyzyn áıelimen shatastyrǵanyn aıtty, dep habarlaıdy "Adyrna" ulttyq portaly "Astana" arnasyna silteme jasap.
Biraq tergeý materıaldary qyzdyń birneshe jyl qatarynan qorqynyshty bastan ótkergenin kórsetedi. Polıııa bıyl zorlaý saldarynan zardap shekken balalardyń sany úshten birge artqanyn aıtady.
Kóp balaly otbasynan shyqqan bul qyzdyń ómiri tozaqqa aınalǵan. Eki jyldan beri ony óz sheshesi men ógeı ákesi uryp-soǵyp, qorlap kelgen. Jasóspirim qorlyqqa shydamaı, úıden ketip qalǵan.
Qyz úıine oralýdan úzildi-kesildi bas tartqan. Qyz ózin balalar úıine jiberýin suraǵan. Qazir tártip saqshylary bul otbasyn baqylap otyr.
“Anam ómir súrgiń kelmese, ól dep aıtady. Men ólmek bolǵanmyn. Biraq ózime qol sala almadym”, – deıdi zardap shekken boıjetken.
Bıyl Oralda kámeletke tolmaǵandar ótinish bere alatyn psıhologııalyq kómek qyzmeti ashyldy. Zardap shekkendermen jumys jasaıtyn psıhologtar ádette balalar tipti eń jaqyn adamdardyń kómegine júgine almaı qınalatyndaryn aıtady.
“Jynystyq qol suǵylmaý salasynda 30%-ǵa ósim baıqalady. Jaqynda biz kámeletke tolmaǵandarǵa qatysty qylmystyq isti tirkedik, onda ákesi uzaq ýaqyt boıy óz qyzyna jynystyq qatynasqa túsip, ustalǵan kezde qyzyn áıelimen shatastyrǵanyn aıtady”, – deıdi ıývenaldy polıııa basqarmasynyń bas ınspektory Madına Quspanova.
Mamandar zorlyq-zombylyq qurbandary bolashaqta psıhologııalyq problemalarǵa tap bolady deıdi.
“Bul balany ishki qaıtymsyz psıhologııalyq proesterge jeteleıdi. Eń nashar jaǵdaıda bul shızofrenııaǵa ákelýi múmkin. Shydamaıtyn jaǵdaılarǵa nemese túsinispeýshilikterge narazylyq bildirgen balalar úıden qashady nemese óz-ózine qol jumsaıdy. Eger ótken jyly oblysta bir sýııd oryn alsa, bıyl 15 jasóspirim sýııd jasamaq bolǵan”, – deıdi psıholog Svetlana Kýjbanova.
"Adyrna" ulttyq portaly
