Petropavlda kámeletke tolmaǵan 9 jáne 13 jastaǵy eki qyz pedofılderdiń qurbany boldy. Bul týraly “Adyrna” ultttyq portaly habarlaıdy.
Soltústik Qazaqstan oblysy PD málimetinshe, 3 tamyz kúni 9 jastaǵy balaǵa qatysty seksýaldyq sıpattaǵy zorlyq-zombylyq áreketterin jasady degen kúdikpen oblys ortalyǵynyń buryn sottalǵan turǵyny ustaldy. Osy derekke qatysty qylmystyq is qozǵaldy.
“Atalǵan fakti "Jas balaǵa qatysty jasalǵan seksýaldyq sıpattaǵy zorlyq-zombylyq áreketteri" boıynsha Sotqa deıingi tergep-tekserýlerdiń biryńǵaı tizilimine engizildi. Kúdikti ýaqytsha ustaý ızolıatoryna qamaldy. Tergeý júrgizilip jatyr”, – delingen PD habarlamasynda.
Ókinishke qaraı, atalǵan ekinshi oqıǵa keshe bolǵan. WhatsApp-ta ata-analar chattarynda keshke qaraı pedofıldiń jas qyzdy zorlaǵandyǵy jaıynda eskertken jazbalar tarady.
Polıeıler bul oqıǵanyń da oryn alǵanyn rastady.
“Fakti QR Qylmystyq kodeksiniń 121-babynyń 4-bóligi boıynsha sotqa deıingi tergep-tekserýlerdiń biryńǵaı tizilimine engizildi. Qazirgi ýaqytta kináli tulǵany anyqtaý jáne ustaý boıynsha jedel-izdestirý is-sharalary júrgizilip jatyr”, – dedi PD ókilderi.
