Halyq sanaǧy arqyly alaiaqtar azamattardyŋ atyna nesie taǧaiyndauda, dep habarlaidy “Adyrna” ūlttyq portaly Qaraǧandy oblysynyŋ polisiia departamentı qyzmetıne sılteme jasap.
WhatsApp messendjerınde jıberılgen dauysty habarlama qazaqstandyqtardy alaŋdatty. Onda halyq sanaǧy arqyly alaiaqtyqtyŋ jaŋa türı paida bolǧany aitylǧan.
"Beineqoŋyrauda beitanys nömır şyryldaidy. Sız telefondy alasyz. Sızdıŋ betıŋız skanerlenedı, olar bırneşe sūraqtar qoiady, sodan keiın adamdarǧa nesie berıledı. Qazırdıŋ özınde bırneşe jaǧdai tırkelgen. Şahan, Aqtas, Qaraǧandy qalalarynda üş jaǧdai. Qaraǧandyda bır äjenıŋ atynan 11 million teŋge nesie räsımdelgen. Sonymen qatar Qaraǧandyda er adamnyŋ atynan da bırneşe nesie alyp tastaǧan. Er adam osy jaǧdaidan keiın özıne-özı qol saldy", – delıngen aqparata.
Oblystyq polisiia departamentınıŋ baspasöz qyzmetı audio taratuda körsetılgen faktıler şyndyqqa säikes kelmeitının habarlady.
"Qazırgı uaqytta polisiia taratylǧan habarlamanyŋ avtorynyŋ jeke basyn anyqtauǧa tyrysuda. Qylmystyq kodekstıŋ 274-babyna säikes, būqaralyq aqparat qūraldaryn nemese telekommunikasiia jelılerın qoldana otyryp, jalǧan aqparat taratu qylmystyq jauapkerşılıkke äkep soǧady", – dedı baspasöz hatşysy Baqytjan Qūdiiarov.
”Adyrna” ūlttyq portaly
