Öskemen qalasynda äskeri qyzmetşıge nesie aluǧa itermelep, qysym körsetken rota komandirı lauazymynan şettetıldı.Būl turaly äskeri qyzmetşınıŋ anasy äleumettık jelıge jazdy, dep habarlaidy “Adyrna” ūlttyq portaly.
Anasynyŋ aituynşa, ūlyna qysym körsetken komandir nesie aluǧa, üiıne azyq-tülık äkelıp beruge mäjbürlegen. Ūlttyq ūlannyŋ «Şyǧys» öŋırlık qolbasşylyǧy osy mäselege qatysty tüsınıkteme berdı.
«Atalǧan derek AEK-ǧa tırkelıp, äskeri polisiia tekserıs jūmystaryn bastady. Sonymen qatar «Şyǧys» öŋırlık qolbasşylyǧy da qyzmettık tekserıs jürgızıp jatyr. Qazır 5518 äskeri bölımınıŋ äskeri qyzmetkerı kapitan A. Saǧyntaev qyzmetınen şettetıldı. Tekserıs qorytyndysy boiynşa qosymşa habarlanatyn bolady», – deidı «Şyǧys» öŋırlık qolbasşylyǧy baspasöz qyzmetınıŋ bastyǧy Baǧdat Amangeldı.
”Adyrna” ūlttyq portaly
Ūqsas jaŋalyqtar
