Qūlsary qalasyndaǧy janarmai qūiu beketınde bolǧan joiqyn jarylystan qaza tapqan ekı adam – erlı-zaiypty ekenı belgılı boldy, dep habarlaidy "Adyrna" ūlttyq portaly.
Oqiǧa kezınde 43 jastaǧy Berkın İbetov sisterna ışınde jūmys ıstep jatqan. Al onyŋ 40 jastaǧy jūbaiy Meiramgül Sarbasova janarmai qūiu beketınıŋ ǧimaratynda bolǧan. Ekeuı de alǧan auyr jaraqattarynan sol jerde köz jūmǧan.
Marqūmdardyŋ artynda balalary qalyp otyr. Qazır jergılıktı tūrǧyndar men äleumettık jelı qoldanuşylary olardyŋ otbasyna qoldau körsetıp, köŋıl aityp jatyr.
Tötenşe jaǧdailar departamentınıŋ mälımetınşe, ört keşe keşkı saǧat 21:47-de tolyq söndırıldı. Zardap şekkender sany 14 adamǧa jetkenı habarlanǧan edı.
Qazırgı uaqytta jarylystyŋ naqty sebepterı anyqtalyp jatyr.
Ūqsas jaŋalyqtar
