Türkıstan oblysy Ordabasy audany Temırlan auylynyŋ tūrǧyny Aqjol Niiaz 12 jyl būryn tūrǧyn üi alu kezegınen zaŋsyz şyǧarylǧan. Onyŋ zaŋdy ökılı, tuǧan ınısı Danil Niiaz jaǧdaidyŋ anyq-qanyǧyn bılu üışn prokuraturaǧa şaǧym tüsırdı. Būl turaly Otyrar portaly jazdy, dep habarlaidy "Adyrna".
Aqparatqa säikes, bırınşı toptaǧy mügedek Aqjol Niiaz 2013 jyly üi kezegıne tūrǧan. Bıraq oida joqta özınıŋ zaŋsyz kezekten şyǧarylǧanyn bıldı.
“Ötken jyldan berı Temırlanda üiler salyna bastaǧanyn estıp äkımdıkke bardym. Sūraǧanymda olar aǧamdy tūrǧyn üi kezegınen alyp tastaǧanyn aitty. “Nelıkten?” degen sūraǧyma, “onyŋ atyna tırkelgen üiı bar” dep jauap berdı. Bıraq būl şyndyqqa janaspaidy”, – deidı Danil Niiaz.
Aǧasynyŋ tegın tūrǧyn üi alu qūqyǧyn qorǧau üşın Danil Niiaz prokuraturaǧa şaǧymmen jügındı. Qadaǧalau organy tekseru jürgızdı.
“Jürgızılgen tekseru nätijesınde azamattyŋ zaŋsyz kezekten şyǧarylǧany anyqtaldy. Osyǧan bailanysty tiıstı ūsynys engızılıp, tūrǧyn üi bölımı basşysy men jauapty qyzmetker qataŋ tärtıptık jauapkerşılıkke tartyldy. Nätijesınde kezek qaita qalpyna keltırılıp, Aqjol Niiazovqa päter berıldı”, – dep habarlady Türkıstan oblysynyŋ prokuraturasy.
2025 jyldyŋ alǧaşqy jarty jyldyǧynda 15 400-den astam mügedektıgı bar azamat qūqyqtary būzylǧany turaly şaǧym tüsırıp, Türkıstan oblysynyŋ prokuraturasyna jügındı. Prokurorlyq qadaǧalau nätijesınde olardyŋ qūqyqtary qorǧaldy. Jalpy öŋırde 100 myŋnan astam mügedektıgı bar adam tūrady.
