جامبىل وبلىسىنداعى جويقىن جارىلىس كەزىندە ۇيلەرى قيراعان كەيبىر قاينارلىقتار "شەنەۋنىكتەر قۇرىلىس جۇمىستارى قارقىندى ءجۇرىپ جاتىر" دەپ ەلدى الداپ وتىر دەپ اشىندى. بۇل تۋرالى “ادىرنا” ۇلتتىق پورتالى 31 ارناعا سىلتەمە جاساپ حابارلايدى.
1 اي بۇرىن بولعان جويقىن جارىلىس كەزىندە قاينارلىق گۇلاينا ماسالينوۆانىڭ تىرنەكتەپ تىرلىك ەتىپ تۇرعىزعان باسپانالارى قيراۋعا شاق قالعان. ءا دەگەندە قارقىندى باستالعان قالىپقا كەلتىرۋ جۇمىستارى دا توقتاپ تۇر دەپ اشىندى ول. ايتۋىنشا، قاجەتتى قۇرىلىس ماتەريالدارى جوق ەكەن. ال بىرنەشە جىلدان بەرى قاينارلىقتاردى باسقا جاققا كوشىرۋ ماسەلەسى دە كوتەرىلىپ كەلىپتى.
“بىلتىر دا ايتىلدى. بىلتىر دا قوزعالدى. ونىڭ الدىندا دا سەندەردى كوشىرەدى دەپ ايتىلىپ جۇرگەن. سونىمەن بىلتىر نەسيە الىپ، گاز كىرگىزدىك. كوشىرەدى دەپ ەدى، توقتاپ قالدى”، – دەيدى گۇلاينا ماسالينوۆا.
قۇرىلىس جۇمىستارىنا كوڭىلى تولمايتىنداردىڭ ءبىرى - جانار. ول مينيستر، اكىمدەر كەلىپ كورەتىن ۇيلەردە عانا جۇمىس قارقىندى جۇرگىزىلىپ جاتىر دەدى.
“ەندى Instagram-دا جازىپ جاتىر. بارلىق ءۇيدىڭ توبەسى جابىلدى. بارلىق ۇيگە كىرىپ جاتىر دەپ ايتۋدا. ەشقانداي ۇيگە كىرىپ جاتقان جوقپىز. ەندى عانا جاسالىپ جاتىر. تۇندە مىنا پالاتكادا جاتامىز. بوران، شاڭ-توپالاڭ. قالاعا بارىپ دۋشقا ءتۇسىپ كەلەمىز. بالا-شاعامىز جان-جاقتا”، – دەيدى قاينار اۋىلىنىڭ تۇرعىنى جانار سۇيىندىكوۆا.
قازىردىڭ وزىندە قايناردا قۇرىلىس جقمىستارى اياقتالۋعا جاقىن ۇيلەر بار. شەنەۋنىكتەر باسپانالاردى 17 قازانعا دەيىن اياقتاۋعا ۋادە ەتىپتى.
ەستەرىڭىزگە سالا كەتەيىك، 27تامىزدا بايزاق اۋدانىنداعى اسكەري قويمادا جويقىن جارىلىس بولىپ 17 ادام قايتىس بولدى. وقىس وقيعا كەزىندە ءىز-ءتۇزسىز جوعالىپ كەتكەن ءبىر اسكەري قىزمەتكەردەن ءالى كۇنگە حابار جوق.
