Memleket basşysynyŋ veterinariialyq qauıpsızdıktı nyǧaitu jäne agroönerkäsıp keşenın damytu jönındegı tapsyrmalaryn ıske asyru aiasynda Ūlytau oblysynda veterinariialyq infraqūrylymdy jaŋǧyrtu baǧytyndaǧy jūmystar nätijelı jüzege asyryluda.
Veterinariialyq qyzmettıŋ tiımdılıgın arttyru, auyldyq eldı mekenderdı zamanaui infraqūrylymmen qamtamasyz etu jäne januarlar aurularynyŋ aldyn alu maqsatynda respublikalyq biudjetten bölıngen jalpy sipattaǧy transfertter esebınen öŋırde auqymdy qūrylys jūmystary jürgızılude.
Jürgızılgen qajettılık taldauynyŋ nätijesınde Ūlytau oblysynda 2026–2027 jyldary jalpy sany 53 veterinariialyq nysan salu közdeldı. Atalǧan jobalardy ıske asyruǧa Ükımet tarapynan 1,4 mlrd teŋge bölındı. Onyŋ ışınde biyl 570 mln teŋge qarajatqa 22 veterinariialyq nysannyŋ, al 2027 jyly 836,5 mln teŋgege 31 nysannyŋ qūrylysy josparlanǧan.
Bügıngı taŋda 2026 jylǧa josparlanǧan barlyq 22 moduldık veterinariialyq nysannyŋ qūrylysy tolyq aiaqtalyp, paidalanuǧa berıldı. Osylaişa, Ūlytau oblysy veterinariialyq infraqūrylymdy damytu jönındegı biylǧy jospardy elımızde alǧaş bolyp tolyq oryndaǧan öŋır atandy. Barlyq nysandar memlekettık veterinariialyq ūiymdardyŋ teŋgerımıne berılıp, tūrǧyndarǧa veterinariialyq qyzmet körsetude paidalanyluda.
Jaŋa veterinariialyq nysandardyŋ paidalanuǧa berıluı öŋırdegı memlekettık veterinariialyq qyzmettıŋ materialdyq-tehnikalyq äleuetın aitarlyqtai küşeittı. Ǧimarattar qajettı injenerlık kommunikasiialarmen tolyq qamtamasyz etılıp, veterinariialyq-sanitariialyq talaptarǧa sai jabdyqtalǧan.
Ärbır nysanda mamandardyŋ sapaly jūmys ısteuıne arnalǧan qyzmettık kabinetter, veterinariialyq preparattardy saqtauǧa arnalǧan arnaiy bölmeler, januarlardy qauıpsız bekıtuge arnalǧan arnaiy qondyrǧylar jäne veterinariialyq ıs-şaralardy jürgızuge qajettı jabdyqtar qarastyrylǧan.
Būl öz kezegınde profilaktikalyq vaksinasiiany, diagnostikalyq zertteulerdı, januarlardy bırdeilendıru jūmystaryn jäne epizootiiaǧa qarsy ıs-şaralardy uaqtyly ärı sapaly jürgızuge mümkındık beredı. Sonymen qatar, şalǧai auyldyq eldı mekender tūrǧyndary üşın veterinariialyq qyzmettıŋ qoljetımdılıgı artyp, körsetıletın qyzmetterdıŋ sapasy jaŋa deŋgeige köterılude.
Salynǧan veterinariialyq beketter Düniejüzılık januarlar densaulyǧy ūiymynyŋ (WOAH) halyqaralyq talaptaryna säikes keledı. Būl öŋırdegı biologiialyq qauıpsızdıktı nyǧaituǧa, asa qauıptı januarlar aurularynyŋ taraluynyŋ aldyn aluǧa, qolaily epizootiialyq ahualdy saqtauǧa jäne azyq-tülık qauıpsızdıgın qamtamasyz etuge mümkındık beredı.
Veterinariialyq infraqūrylymdy jüielı damytu – auyl şaruaşylyǧy salasynyŋ tūraqty damuynyŋ, halyqtyŋ äl-auqatyn arttyrudyŋ jäne elımızdıŋ veterinariialyq qauıpsızdıgın qamtamasyz etudıŋ maŋyzdy tetıkterınıŋ bırı. Osy baǧyttaǧy jūmystar Ūlytau oblysynda aldaǧy kezeŋde de kezeŋ-kezeŋımen jalǧasatyn bolady.
