27 qyrküiekten bastap, elımızde üilenu toilary men merekelık ıs-şaralardy ötkızuge resmi türde rūqsat berıldı. Būl jaŋalyqty qarapaiym halyqtan bölek, öner jūldyzdary da quana qabyldady. Qazaq estradasynyŋ körnektı ökılı Ömırqūl Ainiiazov aldaǧy toilardyŋ karantindegı toilardan qandai aiyrmaşylyqtary bolatynyn aityp, pandemiia kezınde de jūmyssyz qalmaǧanyn jetkızdı, dep habarlaidy "Adyrna" ūlttyq portaly KAZ.NUR.KZ portalyna sılteme jasap.
- Toi ötkızuge rūqsat bergenın, ärine, quanyşpen qabyldadyq. Alaida, karantin kezınde de toiǧa, kışıgırım otyrystarǧa şyǧyp jürdık. Mūny bärı de bıletın şyǧar. Osy oraida aita keteiın, änşılerdı karantinde toiǧa bardy dep kınälaudyŋ qajetı joq. Aldymen karantinde toi jasaǧandar turaly oilau kerek. Eger toiǧa şaqyrtu kelmese, eşbır änşı barmaidy. Al şaqyrtudy toi ielerı jıberedı. Sondyqtan, mäselege barlyq jaǧynan qaraǧan dūrys dep bılemın. - Jalpy, özım karantinde qarap qalǧan joqpyn. Basqa da jūmyssyz ärıptesterım ne ıstegenın bılmeimın, jeke özımnıŋ ailyǧym üzılgen joq. Sebebı, bıraz jyldan berı Almaty oblysyndaǧy Süiınbai atyndaǧy filarmoniiada jūmys ısteimın. Karantinde ailyǧym toqtaǧan da joq, azaiǧan da joq, sol qalpynda tüsıp otyrdy. Aitarlyqtai qinaldym dep aita almaimyn. Tıptı, bylaiǧy kezde qolym timeitındıkten, bos uaqytty paidalanyp öz biznesımdı aşyp aldym. Mal şaruaşylyǧyna bet būryp, köpten oida jürgen maqsatymdy oryndadym, - deidı änşı.Sondai-aq, Ömırqūl Ainiiazov köpşılık sekıldı meiramhananyŋ artqy esıgınen emes, aldyŋǧy jaǧynan kıretınıne quanatynyn aitty.
- Būǧan deiın restorannyŋ artqy jaǧynan kırıp keldık. Qaptalynan da, basqa jerınen de kırdık. Artqy jaqtan kırgende toidyŋ ber jaǧynda bolyp jatqan dünielerdıŋ bärın köredı ekensıŋ. Kuhnia bar, basqa da şaruaşylyq bölmelerı bar. Solardyŋ bärın basyp ötu maǧan yŋǧaisyzdau edı. Endı restorannyŋ aldynan kıretınımızge quanamyn. Negızı, qazaq eşqaşan toisyz otyra almaidy. Qazaq qandai zaman bolsa da qyzyn ūzatyp, ūlyn üilendıredı. Qazaqtar soǧys bolsa da toi jasaidy. Sondyqtan, mūndai qiyn künder de körgen tüstei ūmtylatynyna senemın. Karantinde dombyramdy alyp, ülkendı-kışılı toilarda, betaşarlarda, mereitoilarda boldym. Mūny eş jasyrmaiyn. Toiǧa barǧanym ras. Jalpy, köpşılık halyq qarap otyrǧan joq, toiǧa bardy, - deidı öner iesı.Esterıŋızge sala keteiık, 27 qyrküiekten bastap elde karantindık şekteuler jeŋıldetıldı, saltanatty jäne otbasylyq şaralarǧa rūqsat etıldı. Sondai-aq konferensiialar, forumdar jäne basqa da būqaralyq şaralardy, körmelerdı ötkızuge rūqsat berıldı. Būǧan qosa, taza auada marafon ūiymdastyryp, körermenderdıŋ qatysuymen sporttyq şaralar ötkızuge bolady.
"Adyrna" ūlttyq portaly
Ūqsas jaŋalyqtar
