Üi jöndeu jūmystary kezınde än aityp jelıde jūldyz bolǧan änşı Gülmaidan Serıkbai (laqapaty - Dana) özı turaly tolyǧyraq baiandady, dep habarlaidy "Adyrna" ūlttyq portaly Tengrinews.kz saityna sılteme jasap.
Gülmaidan 1994 jyly Qyzylorda oblysy, Şielı audany, Bestam auylynda düniege kelgen. Änşı Qorqyt Ata universitetınde "joǧary muzykalyq bılım" mamandyǧynda oqyǧan.
"Otbasylyq jaǧdaiyma bailanysty oqu ornynan 3-kurstan keiın ketıp qaldym. Qazır otbasylymyn. Tört jasar ūlym bar", - deidı ol.Gülmaidan negızı änşılık önerde jürgen eken, köbıne kafe, meiramhanalarda än salǧan. Alaida koronavirus pandemiiasy bastalyp, bärı karantinge jabylǧannan keiın üi jöndeu jūmysyna kırısıp, näpaqa tabuǧa köşken. Sondai-aq, änşı jelıde köp taralǧan video qaşan jäne qandai jaǧdaida tüsırılgenın aityp berdı.
"Sodan berı körşı kelınşek ärı jaqyn qūrbyma ainalǧan Jūldyzben bırge jūmys ıstep jürdım. Bırge stroikaǧa şyqqanbyz, bos üide akustikasy jaqsy bolǧannan keiın dauys jaqsy şyqty. Sol qūrbym maǧan baiqatpai, videoǧa tüsırıp alypty. Video ötken aptada jūmada tüsırılgen, men bılmei, änımdı aityp otyrǧan ekenmın. Bölmede akustika jaqsy bolǧan soŋ elge jaqsy taraldy dep oilaimyn", - deidı Dana laqapatymen önerge kelgen Gülmaidan Serıkbai.Kömekşısı Gauhar Ramatullanyŋ aituynşa, Gülmaidan bastapqyda TikTok äleumettık jelısınde tanylyp, keiın türlı messendjerler arqyly videosy taralǧan.
"TikTok-ta video taraldy, äpkeme osy qyzdy otbasymyzben körıp jatyrmyz dep, tauyp alyp, özım jelıde belsendılık jasau jolyn bılgendıkten, insta-paraqşasyn aştym, pablikter bırınşı tarata bastady. Sol pablikterde şyqqan soŋ halyq bırden maqtap, önerın baǧalady. Sol pıkırlerge Dana jauap jazyp, raqmetın aityp jürdı. Osylaişa keşke qarai bloger Däulet Mūqaevtyŋ kömekşısı habarlasyp, öz paraqşasyna jüktedı. Sosyn barlyǧy habarlasa bastady", - deidı änşınıŋ kömekşısı.Dana düniege kelgende perzenthanadan şyǧarǧanda "Qazaqstan äielderı" jurnalynda Gülmaidan Sündetova degen änşınıŋ suretı tūrǧan eken. Sondyqtan ata-anasy oǧan änşı bolsyn degen tılekpen osyndai esım taŋdapty.
"Änşı bolsyn dep, atymdy qoiǧanda perışteler äumin degen şyǧar. Taǧy bır jaǧynan naǧaşy äjem Yrysqal Öksıkbaeva dausy jaqsy bolǧan. Ol kısını özım körmedım. Bıraq ülkender aityp otyrady. Sol kısınıŋ önerı daryǧan şyǧar", - deidı änşı.Aita keteiık, qazırgı uaqytta änşınıŋ paraqşasyna 20 myŋǧa juyq adam jazylyp ülgergen. Dananyŋ videosyn änşı Säken Maiǧaziev te jariialaǧan.
"Jelını "jaryp jatqan" arudy men de jariialap qoiaiyn. "Qazaqstan dauysy" jobasyna kelgende tetıktı törteumız de basar ma edık. "Äu" demeitın QAZAQ joq" degen sözdıŋ dälelı osy emes pe. Tanys bolyŋyzdar, Dana Serıkbai 1994 jyly Qyzylorda oblysynda düniege kelgen. Dananyŋ muzykalyq bılımı joq. Tek 3 kurs oqyp, oquy aiaqtalmai qalǧan. Iаǧni, qolynda diplom da joq. Bıraq Alla bergen dauys bar. Qazırgı uaqytta Almatydaǧy päterlerde jöndeu jūmystaryn (evroremont) jasap, näpaqasyn tauyp jür eken. Jolyŋ aşyq bolsyn, Dana kyz!", - dep qoldau bıldırıptı Maiǧaziev.Jas önerpazdy bırınşı bolyp qoldaǧandar arasynda bloger Däulet Mūqaev bar.
"Mynandai dauyspen Dananyŋ än aitatyn jerı adam joq tar bölme emes, myŋdaǧan körermenı bar ülken sahnalar dep oilaimyn. Talanty bar, tanysy joq janǧa myqty prodiuser tabylsa eken deimın. Sättılık, Dana!", - deidı bloger Däulet Mūqaev (Dauletten).
"Adyrna" ūlttyq portaly
Ūqsas jaŋalyqtar
