Qaraǵandy oblysy, Aqtoǵaı aýdany Shabanbaı bı aýylynyń turǵyndary Alash qozǵalysynyń jetekshisi Álıhan Bókeıhanǵa músin ornatty dep habarlaıdy "Adyrna" ulttyq portaly "azattyq.org-ke" silteme jasap.
Álıhan Bókeıhannyń týǵanyna 155 jyl tolý qurmetine arnalǵan eskertkishti Shabanbaı bı aýyly mektebin 1990 jyly bitirgen túlekter jınaǵan qarjyǵa Qazaqstan Sýretshiler odaǵynyń múshesi, músinshi Beıbit Mustafın jasaǵan.
Eskertkish músinniń ashylý rásimine Álıhan Bókeıhannyń ómiri men qyzmeti jaıly kóp tomdyq zertteý jınaq shyǵarǵan Sultanhan Aqquly, 20-ǵasyrdyń bas kezindegi Alash qozǵalysyn zertteýshiler Tursyn Jurtbaı, Jandos Smaǵulov, Qaıyrbek Kemeńger, Saǵymbaı Jumaǵulov bastaǵan bir top ǵalymdar, májilis depýtaty Qazybek Isa jáne jáne oblys ákimdiginiń ókilderi, Aqtoǵaı aýdanynyń ákimi men aýyl adamdary qatysty.
Saltanatty ashylý rásiminen keıingi ǵylymı-praktıkalyq konferenııada Sultanhan Aqquly Álıhan Bókeıhandy "Kenesary Qasymuly ólgennen keıin joıylǵan qazaq memlekettigin qalpyna keltirýshi" dep baǵalady. Alashtanýshy Tursyn Jurtbaı "búgingi Qazaqstannyń saıası-qoǵamdyq ustanymdary Álıhan Bókeıhan bastaǵan Alash qozǵalysynyń ustanymdaryna saı kelmeı otyr" dep sanaıtynyn aıtty.
Konferenııadan keıin birqatar zertteýshi Álıhan Bókeıhannyń ata-anasy men týystary jerlengen Taldybeıit qorymyna bardy. Shabanbaı bı aýylynan 30 km jerde, Jińishke ózeniniń jaǵasynda ornalasqan qorymǵa Álıhannyń ákesi Nurmuhamed, atasy Myrzataı, anasy Begimaı, baýyrlary Ázihan, Tátihan, Smahan jerlengen.
Smahan kózi tiri kezinde osy qorymǵa Álıhan Bókeıhannyń taqııasyn jerlep, 7 kóktas ornatqan.
