Chehiia men Slovakiia arhivterınen Älihan Bökeihanǧa qatysty tyŋ derekter tabylǧan, dep habarlaidy "Adyrna" ūlttyq portaly QazAqparatqa sıltep.
Alaş kösemınıŋ tuǧanyna 160 jyl toluyna arnalǧan halyqaralyq ǧylymi-täjıribelık konferensiiada şetel arhivterınen Alaşorda ükımetı men chehoslovak korpusy arasyndaǧy bailanysqa qatysty qūndy derekter anyqtalǧany habarlandy.
Qazaqstanda İndrjih Dvorjaktyŋ 1921 jyly Pragada cheh tılınde şyqqan «U kirgizů» kıtabynyŋ qazaq jäne orys tılderındegı nūsqasy tanystyryldy. Qazaqşa audarmasyn jas zertteuşı Dınmūhammed Baijūma jasaǧan, al orysşaǧa Sūltan Kamaliden audarǧan.
Kıtapta Älihan Bökeihan turaly estelıkter jäne Alaşorda turaly derekter qamtylǧan.
Dınmūhammed Baijūmanyŋ aituynşa, Dvorjak kıtabynda Älihan men chehoslovak legionerı arasyndaǧy kezdesuler turaly jazylǧan. 1918 jyly Ombyda ötken kezdesude Alaş kösemı legionerge: «Men qazaq halqynyŋ täuelsızdıgın aŋsaimyn. Sızder, chehter, täuelsızdıktı qalai alsaŋyzdar, bız de azattyqqa solai ūmtyluǧa daiynbyz» – dedı.
