BŪŪ janyndaǧy Halyqaralyq elektr bailanys odaǧy Qazaqstanǧa jaŋa +997 def kodyn belgıledı. Būl turaly sifrlyq damu ministrı Baǧdat Musin mälımdedı, dep habarlaidy "Adyrna" ūlttyq portaly.
- BŪŪ janyndaǧy Halyqaralyq elektr bailanys odaǧy Qazaqstanǧa jaŋa +997 def kodyn belgıledı. Endı bızdıŋ elden basqa memleketke qoŋyrau şalǧanda, şeteldıkterdıŋ telefonynda Qazaqstan degen jazu şyǧady. Sondai-aq halyqaralyq deŋgeidegı sifrly servisterdı qoldanǧanda da, barlyq jerde Qazaqstan degen signal şyǧady, - delıngen ministr mälımdemesınde.Ministrdıŋ aituynşa, kezınde KSRO taraǧanda, +7 halyqaralyq telefon kody ekı elge bırdei bekıtılgen. Bız Qazaqstanǧa ǧana tiesılı halyqaralyq kodqa qol jetkızu üşın byltyrdan berı telekommunikasiia salasyndaǧy kompaniialarmen bırge jan-jaqty jūmys jürgızıp kelemız. Osy kelıssözderdıŋ nätijesınde bızdıŋ elge derbes +997 kody bekıtıldı! Qazır tiıstı qūjattar räsımdelıp, jaŋa kodqa köşu boiynşa ıs-şaralar atqarylyp jatyr, - dep tolyqtyrdy ministr.
"Adyrna" ūlttyq portaly
Ūqsas jaŋalyqtar
