Tileýhandar Túrkııada júr

664
Foto: feısbýkten
Foto: feısbýkten
Ótkende krýızden kele jatyp, Almatyǵa Antalıa arqyly jettik. Tranzıttik reıs bir táýlik túriktiń týrıstik qalasyna aıaldady. Ábden usharda qyzymnyń PTR-testinen shıkilik shyǵyp, ushaqtan qalyp qoıdyq. Almatyǵa taǵy bir kún keshigip keldik.
Áýejaıdyń namazhanasynda bir qazaq kisimen tanystyq. Áńgimeni ózi bastady.
- Qaı jerdiń qazaǵysyń-eı?
- Almaty, Narynqol.
- Altynbek pen Zamanbektiń baýyry ekensiń ǵoı. Men Zákeńniń kezinde qalanyń prokýrory boldym. Sosyn Jarmahan Tuıaqbaı GSK-ny basqarǵanda pervyı zam, Qalmyrzaev fınpoldyń tóraǵasy kezinde de zamy, zam KNB, Fınpol akademııasynyń rektory boldym. Qazir zeınetkermin, generalmyn, dep toqtady.
- Aty-jónińiz kim, aǵa?
- Ramazan Tileýhan.
Túri men famılııasy uqsap turǵan soń, tuspaldap:
-Bekbolat aǵanyń qaly qalaı, deı saldym.
- Ol Stambulda, biz Antalıada. Osy jerden úı aldym. Harleı Devıdsonym bar, sonymen júremin. Teńizdiń aýasy rahat. Almatydan nemerem kele jatyr, sony kútip alýǵa kelip em.
Sózinen uqqanym, Túrkııaǵa bul da qańtar aıynda kóship ketipti. Eldegi dúrbeleńnen soń, taıyp turǵandar sapynan ba eken, dep bir oıladym. Al Stambuldaǵysynyń anaý kúni 15 tonna dollardy ushaqqa tıep jatqanda ustalyp qalǵan Plemıanıkpen baılanysy baryn jalpaq jurt biledi.
-Qazaqstanǵa qashan qaıtasyz?
- Áı, qazir qaıta qoımaımyn. Koronavırýspen aýyryp, ókpem jumys istemeı qaldy. Dárigerler teńiz jaǵasyna bar, dedi. Sodan osyndamyz, dep qoıdy.
Keterde “Jol batasy”, dep qol jaıdym. Obaly ne kerek, batany ádemilep beredi eken aǵamyz. Betti sıpap, qyzym ekeýmiz ushaqqa tirkeıtin baǵytqa qaraı bettedik. Fotoǵa túsýdi umytyppyn, keıin Gýglge salsam, myna fotosy men Ýıkıpedııadaǵy ómirbaıany shyqty. Istemegen qyzmeti joq eken óziniń.
E, meıli! Aman bolsyn!
Rıshat Asqarbekuly.
Pikirler
Redakııa tańdaýy