Sheshen Respýblıkasynyń basshysy Ramzan Kadyrov «Vagner» basshysy Evgenıı Prıgojınniń is-áreketine qatysty pikir bildirdi. Bul týraly ol Pýtınniń úndeýinen keıin óziniń Telegram-arnasynda aıtty, dep habarlaıdy “Adyrna” ulttyq portaly.
Ol soǵys kezinde jeke basqa qatysty ókpe-renishti sheshýdi qoıa turýdy aıtyp, qazir bir-birimen jaýlasatyn ýaqyt emestigin eskertkenin atap ótti.
Dostar, meniń Rostovtaǵy, jalpy elimizdegi jaǵdaıǵa der kezinde jaýap bere almaǵanymnyń sebebin aıtsam, meniń ýaqytym bolmady. Túnimen sharýalarmen shapqylap júrip, endi ǵana satqyndyq týraly estip, bilip otyrmyn. Búgingi opasyzdyq bizdiń arqamyzǵa qadalǵan pyshaq boldy.
Men oǵan (Prıgojındi aıtady, - red) talaı ret soǵys kezinde jeke basqa qatysty ókpe-renishti sheshýdi qoıa turýdy aıtqanmyn. Ol tyńdamady. Ol búkil memleketke qarsy shyqty. Men halyqtyń qalaýymen saılanǵan joǵary bas qolbasshymyzdy qoldaımyn. Bizge eldiń saıası turaqtylyǵy, halyqtyń birligi, otandastarymyzdyń qaýipsizdigi kerek, – dedi ol.
Qadyrovtiń aıtýynsha, Prıgojınniń áreketi jaǵdaıdy qıyndatyp jatyr. Mundaı áreketter tarıhta qantógispen aıaqtalǵan.
Eske salsaq, 24 maýsymǵa qaraǵan túni Evgenıı Prıgojın Reseı qorǵanys mınıstrligin soqqy berdi dep aıyptap, qarýly qaqtyǵys bastalǵanyn málimdegen. Keıinirek Evgenıı Prıgojınge qarsy qarýly kóterilis uıymdastyrý faktisi boıynsha qylmystyq is qozǵady.
