Şeşen Respublikasynyŋ basşysy Ramzan Kadyrov «Vagner» basşysy Evgenii Prigojinnıŋ ıs-äreketıne qatysty pıkır bıldırdı. Būl turaly ol Putinnıŋ ündeuınen keiın özınıŋ Telegram-arnasynda aitty, dep habarlaidy “Adyrna” ūlttyq portaly.
Ol soǧys kezınde jeke basqa qatysty ökpe-renıştı şeşudı qoia tūrudy aityp, qazır bır-bırımen jaulasatyn uaqyt emestıgın eskertkenın atap öttı.
Dostar, menıŋ Rostovtaǧy, jalpy elımızdegı jaǧdaiǧa der kezınde jauap bere almaǧanymnyŋ sebebın aitsam, menıŋ uaqytym bolmady. Tünımen şarualarmen şapqylap jürıp, endı ǧana satqyndyq turaly estıp, bılıp otyrmyn. Bügıngı opasyzdyq bızdıŋ arqamyzǧa qadalǧan pyşaq boldy. Men oǧan (Prigojindı aitady, - red) talai ret soǧys kezınde jeke basqa qatysty ökpe-renıştı şeşudı qoia tūrudy aitqanmyn. Ol tyŋdamady. Ol bükıl memleketke qarsy şyqty. Men halyqtyŋ qalauymen sailanǧan joǧary bas qolbasşymyzdy qoldaimyn. Bızge eldıŋ saiasi tūraqtylyǧy, halyqtyŋ bırlıgı, otandastarymyzdyŋ qauıpsızdıgı kerek, – dedı ol.Qadyrovtıŋ aituynşa, Prigojinnıŋ äreketı jaǧdaidy qiyndatyp jatyr. Mūndai äreketter tarihta qantögıspen aiaqtalǧan. Eske salsaq, 24 mausymǧa qaraǧan tünı Evgenii Prigojin Resei qorǧanys ministrlıgın soqqy berdı dep aiyptap, qaruly qaqtyǧys bastalǧanyn mälımdegen. Keiınırek Evgenii Prigojinge qarsy qaruly köterılıs ūiymdastyru faktısı boiynşa qylmystyq ıs qozǧady.
Ūqsas jaŋalyqtar
