Mońǵolııa Tótenshe jaǵdaılar jónindegi bas basqarmasy AQSh elshiligimen jáne áskerı-azamattyq qatynastardy qoldaý bólimimen birlesip,12-24 qyrkúıek aralyǵynda Arhangaı aımaǵynda "Hangaı-21" tabıǵı apattardyń saldaryn joıý boıynsha birlesken oqý-jattyǵý jıyndaryn ótkizedi, dep habarlaıdy "Adyrna" ulttyq portaly.
"Hangaı-21" -bul dúleı zilzalalardyń saldaryn joıý jónindegi aptalyq oqý-jattyǵý jáne mońǵol jáne amerıkandyq avarııalyq-qutqarý qyzmetteri arasyndaǵy vedomstvoaralyq úılestirý.
Trenıngti AQSh Áskerı-azamattyq qatynastardy qoldaý tobynyń nusqaýshylary ótkizedi.
Tótenshe jaǵdaılar jónindegi bas basqarma basshysynyń orynbasary, brıgadır general B. Ýýganbaıar jıyndar aıasynda uıymdastyrylatyn is-sharalar týraly aqparat berdi. Onyń aıtýynsha, Mońǵolııada jer silkinisi jıilep ketti. Sondyqtan oqý-jattyǵý kezinde tótenshe jaǵdaılarǵa daıyndyq pen den qoıýdy qamtamasyz etý jáne AQSh mamandarynyń basshylyǵymen qutqarýshylardyń biliktiligin arttyrý boıynsha trenıngter uıymdastyrylady. Osy maqsatta amerıkandyq mamandar ózderiniń qutqarý quraldaryn ákeldi. Uıymdastyrý toby jınalys ótkizip, oqý-jattyǵýdyń erekshelikteri men is-sharalary týraly aqparat almasty.
Esterińizde sala keteıik, Mońǵolııanyń Tótenshe jaǵdaılar jónindegi bas basqarmasy Mońǵolııanyń qarýly kúshterin qoldaý maqsatynda oqý-jattyǵýlar ótkizýde. Oqý-jattyǵý "óńirlik basqarý men ózara is-qımyldy uıymdastyrý" taqyryby sheńberinde uıymdastyrylady jáne naqty jaǵdaıǵa jaqyn jaǵdaılarda oqytý men praktıkany qosa alǵanda, eki kezeńde ótedi.
"Adyrna" ulttyq portaly
