Saiasattanuşy Talǧat Qaliev Qazaqstan Euraziialyq ekonomikalyq odaq aiasynda EAEO-nyŋ Batysqa qarsy jauap sanksiialaryna qosylmauy kerek dep sanaidy. Būl turaly "Adyrna" ūlttyq portaly habarlaidy.
Būǧan deiın Resei Syrtqy ıster ministrınıŋ orynbasary Aleksandr Pankin Euraziialyq ekonomikalyq odaqta Batys sanksiialaryna jiyntyq jauap äzırlenıp jatyr, bıraq būl DSŪ erejelerı tūrǧysynan zaŋdy boluy kerek dep mälımdedı.
Qazaqstandyq sarapşy özınıŋ Facebook paraqşasynda "EAEO Batys elderıne jauap sanksiialaryn qoldanuy mümkın" degen habarlamaǧa qatysty pıkır bıldırdı.
"Europalyq aviakompaniianyŋ ūşaǧyn örtegen bız emes, Qyrymdy anneksiialamadyq, tıptı Navalnyidy tūtqyndaǧan da bız emes. Osylardyŋ barlyǧy oryn alǧannan soŋ da bızben eşkım keŋespedı, bırıge şeşım qabyldauǧa eşkım ūsynys tastamady. Demek, jiyntyq jauapqa bızdıŋ qandai qatysymyz bar? Jalpy, bız halyqaralyq qūqyqqa qaişy keletın eşnärse jasaǧan joqpyz. Sonymen qatar, üş onjyldyqtyŋ ışınde Qazaqstan özınıŋ mındettemelerın qaltqysyz oryndai otyryp, boljamdy syrtqy saiasaty bar beibıtşılıktı süietın memleket imidjın yjdaǧattylyqpen qalyptastyrdy. Bızge EQYŪ-nyŋ töraǧalyǧy men BŪŪ Qauıpsızdık Keŋesınıŋ töraǧalyǧy senıp tapsyryldy, şyny kerek bız jai qol alysyp otyrǧan memleket emespız, qūrmetke iemız. Qazaqstan studentterı älemnıŋ tükpır-tükpırınde bılım alyp jatyr, investorlardyŋ köpşılıgı bızge ülken senım artady. Sondai-aq bız AQŞ-tyŋ elşılıgın qūm böşkelerımen emes, gülzarmen qorşap tūrǧan älemdegı sanauly elderdıŋ bırı, tıptı bolmasa bırımız. Būl elımızdıŋ qauıpsızdık deŋgeiınıŋ körsetkışı. Sonymen, bız EAEO-nyŋ qalǧan älemge qarsy sanksiialaryna nege qosyluymyz kerek? Bız Qyrymda demalyp jatyrmyz ba, älde qonǧan ūşaqtarynan paidaǧa kenelıp jatyrmyz ba? Osy uaqytqa deiın Odaqqa müşe bolu bız üşın jaqsylyǧynan görı minusye köp körsettı. Eşkım būl integrasiialyq bırlestıkten ideologiialyq mazmūn ızdemeidı. Bızdıŋ kelıssöz jürgızuşıler sanksiialarǧa qosylmau qūqyǧymyzdy qorǧau üşın jetkılıktı küşke, prinsipter men dälelderge süienedı dep ümıttenemın. Jeke özım, temır perdenıŋ artynda otyryp, özgege artylǧan jūmystyŋ jauapkerşılıgın alǧym kelmeidı",- dedı Talǧat Qaliev öz jeke paraqşasynda.
"Adyrna" ūlttyq portaly
Ūqsas jaŋalyqtar
