موڭعوليا توتەنشە جاعدايلار جونىندەگى باس باسقارماسى اقش ەلشىلىگىمەن جانە اسكەري-ازاماتتىق قاتىناستاردى قولداۋ بولىمىمەن بىرلەسىپ،12-24 قىركۇيەك ارالىعىندا ارحانگاي ايماعىندا "حانگاي-21" تابيعي اپاتتاردىڭ سالدارىن جويۋ بويىنشا بىرلەسكەن وقۋ-جاتتىعۋ جيىندارىن وتكىزەدى، دەپ حابارلايدى "ادىرنا" ۇلتتىق پورتالى.
"حانگاي-21" -بۇل دۇلەي ءزىلزالالاردىڭ سالدارىن جويۋ جونىندەگى اپتالىق وقۋ-جاتتىعۋ جانە موڭعول جانە امەريكاندىق اۆاريالىق-قۇتقارۋ قىزمەتتەرى اراسىنداعى ۆەدومستۆوارالىق ۇيلەستىرۋ.
ترەنينگتى اقش اسكەري-ازاماتتىق قاتىناستاردى قولداۋ توبىنىڭ نۇسقاۋشىلارى وتكىزەدى.
توتەنشە جاعدايلار جونىندەگى باس باسقارما باسشىسىنىڭ ورىنباسارى، بريگادير گەنەرال ب. ۋگانبايار جيىندار اياسىندا ۇيىمداستىرىلاتىن ءىس-شارالار تۋرالى اقپارات بەردى. ونىڭ ايتۋىنشا، موڭعوليادا جەر سىلكىنىسى جيىلەپ كەتتى. سوندىقتان وقۋ-جاتتىعۋ كەزىندە توتەنشە جاعدايلارعا دايىندىق پەن دەن قويۋدى قامتاماسىز ەتۋ جانە اقش ماماندارىنىڭ باسشىلىعىمەن قۇتقارۋشىلاردىڭ بىلىكتىلىگىن ارتتىرۋ بويىنشا ترەنينگتەر ۇيىمداستىرىلادى. وسى ماقساتتا امەريكاندىق ماماندار وزدەرىنىڭ قۇتقارۋ قۇرالدارىن اكەلدى. ۇيىمداستىرۋ توبى جينالىس وتكىزىپ، وقۋ-جاتتىعۋدىڭ ەرەكشەلىكتەرى مەن ءىس-شارالارى تۋرالى اقپارات الماستى.
ەستەرىڭىزدە سالا كەتەيىك، موڭعوليانىڭ توتەنشە جاعدايلار جونىندەگى باس باسقارماسى موڭعوليانىڭ قارۋلى كۇشتەرىن قولداۋ ماقساتىندا وقۋ-جاتتىعۋلار وتكىزۋدە. وقۋ-جاتتىعۋ "وڭىرلىك باسقارۋ مەن ءوزارا ءىس-قيمىلدى ۇيىمداستىرۋ" تاقىرىبى شەڭبەرىندە ۇيىمداستىرىلادى جانە ناقتى جاعدايعا جاقىن جاعدايلاردا وقىتۋ مەن پراكتيكانى قوسا العاندا، ەكى كەزەڭدە وتەدى.
"ادىرنا" ۇلتتىق پورتالى
