Bostandyq músini AQSh-ta qalady. Bul týraly 17 naýryzda Aq úıdiń baspasóz hatshysy Kerolaın Levıtt Eýroparlament múshesi Rafael Glıýksmannyń eskertkishti Franııaǵa qaıtarý týraly talabyna jaýap bere otyryp aıtty, dep habarlaıdy “Adyrna”.
«Búgingi tańda franýzdardyń nemis tilin bilmeıtini Amerıka Qurama Shtattarynyń arqasynda», - dep atap ótti AQSh prezıdentiniń ókili.
AFP habarlaǵandaı, mundaı túsiniktememen Levıtt Ekinshi dúnıejúzilik soǵys kezinde Franııany naıstik basqynshylyqtan azat etýdegi AQSh-tyń rólin eske túsirgisi keldi. Rafael Glıýksmandy Aq úıdiń baspasóz hatshysy "eshkimge tanys emes, tómen dárejeli franýz saıasatkeri" dep atady.
16 naýryzda Eýroparlament depýtaty Glıýksman AQSh ákimshiligi men prezıdent Donald Tramptyń sheshimderi erkindik qundylyqtaryna jaqyn emestigin aıtyp, Bostandyq músinin Franııaǵa qaıtarý keregin málimdegen.
"Biz ony sizderge syıladyq, biraq kórip turǵanymyzdaı, sizder ony mensinbeısizder", - degen ol amerıkalyqtarǵa arnap.
Ýkraınaǵa belsene qoldaý kórsetetin Glıýksman Vashıngtondy Máskeýmen jaqyndasqany úshin aıyptady. Onyń aıtýynsha, AQSh "qııanatshylardyń jaǵynda turdy". Sonymen qatar franýz saıasatkeri Tramp ákimshiligin ǵylymı erkindikke qatań talap qoıǵan ǵalymdardy jumystan shyǵarǵany úshin synǵa aldy.
Bostandyq músini - Franııada músinshi Ogıýst Bartoldıdiń jetekshiligimen jasaldy. Ol AQSh-qa Franııanyń táýelsizdik soǵysyndaǵy qoldaýyn qurmetteý úshin syı retinde usynylǵan. 46 metrlik mys músin 1886 jyly Nıý-Iorktegi Lıbertı aralynda ashylǵan. AFP málimetinshe, bir kezderi músin AQSh-qa kireberis ruqsatyn kútip turǵan ımmıgranttar úshin jaqsy ómirge úmittiń sımvoly boldy.
