"Talıban" terrorıstik qozǵalys ókilderi (Joǵarǵy sot sheshimine sáıkes, qozǵalysqa Qazaqstanda tyıym salynǵan) Aýǵanstandy basyp alǵan sátten bastap, eldi dúrbeleń basyp halyq qaıda qasharyn bilmeı jan ushyrýda. Soraqysy, aýǵan qazaqtary da óz elinen kómek surap vıdeoúndeý joldady. Bul týraly "Adyrna" ulttyq portaly habarlaıdy.
Vıdeoúndeýde aqjaýlyqty ájeı eshqaıda shyqpaı, tyǵylyp otyrǵandaryn aıtyp nalydy.
"Mine, biz kelinderimizben, qyzdarymyzben qamalyp, eshqaıda shyqpaı otyrmyz. Jan-jaqtyń bárin basyp aldy. Bazarǵa baryp, nan da satyp ala almaı otyrmyz. Aǵaıyndar, aınalyp keteıin, az ǵana kómek qylyńdar, qazaqpyz ǵoı. Qazaqtyń árýaǵyn qudaı bıik qylsyn!",- degen úndeýde.
"Adyrna" ulttyq portaly
