Talıban radıkaldy qozǵalysynyń ókilderi Batysty "Adam emesterdiń qoǵamy" dep aıyptady. Talıban qozǵalysynyń jetekshileriniń biri Zabıýlla Mýdjahıd búgin batys álemi jaıynda osyndaı tosyn málimdeme jasady.
Zabıýlla Mýdjahıd óz sózinde:
"Batys bizdiń isimizge aralaspasyn! Olar bizdiń barlyq resýrsymyzdan aıyryp jatyr. Bizdiń ǵalymdardy, ustazdardy, dárigerlerdiń bárin ózderine tartyp aldy. Olar Amerıkaǵa baryp, eden jýady, ydys-aıaq jýady. Bul adamgershilikke jatpaıdy",-dedi.
Talıban jetekshisi Aýǵanstannan AQSh-qa aýyp ketken ıntellegent, bilimdi adamdar men mamandardyń sońynan eshqashan da qýdalamaımyz, olarǵa kelemin dese esik ashyq ekenin eskertti. Olarǵa Aýǵan jerinde bolashaqta da eshqandaı qaýip bolmaıtynyn atap ótti.
Belgili arap jáne ıslam áleminiń zertteýshisi Borıs Dolgov dál qazirgi ýaqytta AQSh pen Talıban arasynda naǵyz propagandalyq soǵys júrip jatqanyn aıtty. Ǵalym aldaǵy ýaqytta Aýǵanstannan aýyp ketken adamdar eline oralar bolsa, onda olardy dinı prınıptegi qatań jazalar kútip otyrǵanyn da aıta ketti.
Biraq Aýǵanstanǵa báribir zamanǵa saı mamandar kerek ekenin Talıban radıkaldy qozǵalysynyń ókilderi de jaqsy biledi.
Bekbolat QARJAN,
"Adyrna" ulttyq portaly
