Twitter Prezıdenttiń baspasóz hatshysy Berik Ýálıdiń paraqshasyn buǵattap saldy, dep habarlaıdy "Adyrna" ulttyq portaly.
Berik Ýálıdiń jeke paraqshasy eseptik jazbanyń toqtatylǵanyn kórsetip tur. Osy másele boıynsha:
- Qazirgi tańda Twitter akkaýntymdy buǵattaýynyń sebepterin anyqtaýdamyn. Men tehnıkalyq qoldaý qyzmetine jazdym jáne olardan túsinikteme kútemin. Ózderińiz biletindeı, men Facebook jáne Instagram sekildi áleýmettik jelilerdi belsendi túrde qoldanamyn. Men osy áleýmettik jeli paraqshalaryn memleket basshysy Qasym-Jomart Toqaevtyń qyzmeti týraly halyqty habardar etý úshin qoldanatyn bolamyn, – dep málimdedi Berik Ýálı.
Aıta keteıik, Twitter áleýmettik jelisiniń veb-saıtynda eseptik jazbanynyń buǵattalý faktisi nemese onyń keıbir fýnkııalaryna ýaqyt shekteýlerin engizýi hakerlik shabýylǵa ushyraǵanda, ne bolmasa onyń ıesi jeli erejelerin ıa bolmasa qyzmet kórsetý sharttaryn buzǵan bolsa paraqsha "banǵa" túsedi.
"Adyrna" ulttyq portaly
