Qostanaı oblysynyń Áýlıekól aýdanynda orman órtin sóndirý jumystar jalǵasýda. Órtti sóndirýge jeke quramnan 235 adam, 32 birlik tehnıka, 3 áýe kemesi, 3 órt sóndirý poıyzy jumyldyryldy, onyń ishinde TJM - 14 birlik tehnıka, jeke quramnan 61 adam, sýaǵar qurylǵylary bar 2 tikushaq; IIM - jeke quramnan 33 adam; Qorǵanys mınıstrligi - jeke quramnan 20 adam; Orman sharýashylyǵy - 15 birlik tehnıka,jeke quramnan 80 adam, 1 áýe kemesi; JAO - 3 birlik tehnıka, jeke quramnan 20 adam; "QTJ" AQ-3 órt sóndirý poıyzy (21 adam).
Saǵat 18:00-degi jaǵdaı boıynsha TJM sý aǵyzý qurylǵylary bar 2 tikushaq órtti sóndirý úshin áýeden 12 ret kóterilip, 36 tonna sý shashty.
Tikushaqtar sýdy órt orynan 25 shaqyrym qashyqtyqta ornalasqan tabıǵı sý qoımasynan alyp, órtti sóndirýde.
"Qazgıdromet" RMK derekteri boıynsha Qostanaı oblysynda joǵary temperatýra 38 gradýsqa deıin, jeldiń jyldamdyǵy sekýndyna 23 metrge deıin saqtalady.
Tótenshe jaǵdaılar mınıstri Iý. V. Ilın áýeden barlaý jumystaryn júrgizdi.
3 qyrkúıekte meteorologııalyq jaǵdaıdyń kúrdelenýine, onyń ishinde aýa temperatýrasy 36 gradýsqa deıin kóterilip, jeldiń ekpini sekýndyna 28 metrge deıin jetýine baılanysty órt aýmaǵy 3000 gektardan asty.
Amanqaraǵaı jáne Novonejınka eldi mekenderin qorǵaýǵa baǵyttalǵan kúshter men quraldardy qaıta toptastyrý júrgizildi. Ozernoe aýylynan (halyq sany 250 adam) jáne Amanqaraǵaı aýylynyń soltústik bóliginen (1000 adam) halyqty evakýaııalaý jumystary júrgizildi. Ozernoe aýylynda 3 turǵyn úıde órt shyqty.Órtti sóndirýge 6 órt sóndirý avtomobıli, 8 sý tasý mashınasy jumyldyryldy. Kalınıno aýylynan 228 adam, Lesnoe aýylynan 363 adam evakýaııalandy. Saǵat 17.20-da Amanqaraǵaı aýylyndaǵy munaı bazasyna qaýip týyndady, oqıǵa ornynda 3 órt sóndirý avtoısternasy (2-TJM, 1-Munaı bazasynyń Obektilik qyzmeti) jumys isteýde.
"Adyrna" ulttyq portaly
