Abaı oblysyndaǵy alap órt 14 adamnyń ómirin jalmady. Ot pen sýdyń ortasynda qalǵandar tirideı janyp ketken. Beıbit kúnde baqılyq bolǵan batyrlardyń ólimine kim jaýap beredi?
"Semeı ormany" mekemesinde dál qazir basshy joq. Ol ormandy zańsyz otady degen kúdikpen 2-3 aı buryn jumystan qýylǵan eken.
Ormandaǵy qaraǵaıdy satyp, artyn jabý úshin ádeıi ot qoıdy degen de sybys bar. Anyǵyn tergeýshiler aıtar.
Ótken aptada ǵana Semeı ormany mekemesinde órtke qarsy tehnıka, dabyl júıesi joq ekenin Ekologııa mınıstri moıyndady. Zúlfııa Súleımenova tez arada aqsha bólip, ormanshylardy qajetti qurylǵylarmen jabdyqtaımyz degen.
Óıtemiz-búıtemiz dep aýyzben oraq oryp júrgende 14 otbasy ańyrap qaldy.
Qaraǵaıdy qorǵaımyz dep qara basyn qaýipke tikken órt sóndirýshiler ımandy bolsyn!
