Aýǵanstanǵa barǵan Qazaqstan tótenshe jaǵdaılar mınıstrliginiń kúshteri men quraldary elge oraldy. Bul týraly Tótenshe jaǵdaılar mınıstrliginiń baspasóz qyzmeti jarııalady, dep habarlaıdy “Adyrna” ulttyq portaly.
Gýmanıtarlyq mıssııany oryndaý úshin jalpy 45 adam, onyń ishinde TJM Respýblıkalyq jedel-qutqarý jasaǵynyń qutqarýshylary, kınologııalyq eseptoptary, Apattar medıınasy ortalyǵynyń dárigerleri men feldsherleri jiberilgen bolatyn.
TJM Azamattyq qorǵanys jáne áskerı bólimderi komıteti tóraǵasynyń mindetin atqarýshy general-maıor Ularbek Ábikeevtiń basshylyǵymen qazaqstandyq qutqarýshylar jasaǵy qoıylǵan mindetterdi abyroımen oryndady, - dep atap ótti vedomstvoda.
Qutqarýshylardy áýejaıda áriptesteri, týystary men jaqyndary qarsy aldy. Sondaı-aq "Lider.kz" qozǵalysynyń volonterleri de boldy. Olar Charlı, Djeıkob pen Evro atty qutqarýshy ıtterge medal daıyndady.
